بەدواداچوونى مامەڵەكەت

ژمارەى نوسراوى پارێزگا

پن كۆد

زیاده‌ڕه‌وویه‌كانی سه‌ر ڕێگه‌ی عه‌ربه‌ت- سلێمانی لاده‌برێن


له‌ به‌رده‌وامی ئه‌و هه‌ڵمه‌ته‌ی كه‌ لیژنه‌ هاوبه‌شه‌كانی قائیمقامیه‌تی سلێمانی و سه‌رۆكایه‌تی شاره‌وانی سلێمانی بۆ ڕێگریكردن له‌ دیارده‌ی زیاده‌ڕه‌وی ده‌ستیان پێكردووه‌ به‌شێكی تر له‌و زیاده‌ڕه‌وییانه‌ لابران كه‌ كراونه‌ته‌ سه‌ر موڵكی گشتی.

له‌به‌رده‌وامی هه‌ڵمه‌ته‌كه‌یاندا و به‌مه‌به‌ستی ڕێگری كردن له‌ دیارده‌ی زیاده‌ڕه‌وی لیژنه‌ هاوبه‌شه‌كانی قائیمقامیه‌تی سلێمانی و سه‌رۆكایه‌تی شاره‌وانی سلێمانی به‌ هاوكاری هێزه‌ ئه‌منییه‌كان له‌سه‌ر ڕێگه‌ی عه‌ربه‌ت- سلێمانی ژماره‌یه‌ك له‌و كۆگا و بینایانه‌یان ڕووخاند كه‌ به‌ شێوه‌ی زیاده‌ڕه‌وی له‌سه‌ر موڵكی گشتی بنیات نرابوون.

گۆران قادر سه‌رۆكی لیژنه‌ هاوبه‌شه‌كانی قائیمقامیه‌تی سلێمانی ڕایگه‌یاند : هه‌موو ئه‌و شوێنانه‌ی كه‌ ڕووخاندوویانه‌ له‌ ده‌ره‌وه‌ی یاسا و به‌مه‌به‌ستی بازرگانی و پیشه‌سازی له‌سه‌ر موڵكی گشتی بنیات نراوه‌ كه‌ ئه‌مه‌ش كارێكی ڕێگه‌پێنه‌دراوه‌. ووتیشی پاڵپشت به‌و ده‌سه‌ڵاته‌ی كه‌ پێیان دراوه‌ به‌رده‌وام ده‌بن له‌سه‌ر لابردنی هه‌موو ئه‌و زیاده‌ڕه‌وییانه‌ی كه‌له‌سه‌ر موڵكی گشتی و بۆ ئامانجی تایبه‌ت بنیات ده‌نرێن.

سه‌رۆكی لیژنه‌ هاوبه‌شه‌كانی قائیمقامیه‌تی سلێمانی ڕایگه‌یاند: هه‌ڵمه‌ته‌كه‌یان هه‌موو ئه‌و شوێنانه‌ ده‌گرێته‌وه‌ كه‌ زیاده‌ڕه‌ویان تێدا كراوه‌ته‌ سه‌ر موڵكی گشتی.


 ئه‌م بابه‌ته‌ 464 جار بینراوه‌

هه‌واڵی زیاتر