بەدواداچوونى مامەڵەكەت

ژمارەى نوسراوى پارێزگا

پن كۆد

له‌ ماوه‌ی یه‌ك مانگدا 33 تۆن مه‌وادی به‌سه‌رچوو له‌ ناوبراوه‌


له‌ ماوه‌ی مانگی ڕابردوودا له‌ دوای به‌سه‌ر ڕاگرتنی له‌ لایه‌ن لیژنه‌كانه‌وه‌ قائیمقامیه‌تی سلێمانی 33 تۆن و هه‌شت سه‌د كیلۆگرام مه‌وادی به‌سه‌رچوو له‌ ناوبراوه‌.

خالید محه‌مه‌د سه‌رۆكی لیژنه‌ی له‌ناوبردن (ته‌له‌ف) ڕایگه‌یاند: لیژنه‌كه‌مان له‌ ڕێكه‌وتی 1-1 بۆ 31-1-2017 له‌ دوای به‌سه‌راگرتنی 33800 كیلۆگرام مه‌واد و خۆراكی به‌سه‌رچوو كه‌ پێكهات بوو له‌ خواردن و خواردنه‌وه‌ و شیری مناڵ و مه‌وادی پاككه‌ره‌وه‌ و توتنی نێرگه‌له‌ له‌ دوای پشكنین و به‌دواداچوون ده‌ركه‌وتووه‌ شیاوی به‌كارهێنان نین بۆیه‌ به‌ بڕیاری قائیمقامیه‌تی سلێمانی و لیژنه‌ی باڵا له‌ پێناو پاراستنی گیانی هاووڵاتیان له‌ ناوچه‌ی تانجه‌ڕۆی سلێمانی له‌ناوبراوه‌.

ده‌رباره‌ی مه‌واده‌ له‌ناوبراوه‌كان سه‌رۆكی لیژنه‌ی له‌ناوبردن ووتی: به‌ هۆی هۆشیاری هاووڵاتیان و هه‌ستكردن به‌ به‌رپرسیاریه‌تی خاوه‌نی كۆمپانیاكان لیژنه‌كان ئاگادار ده‌كه‌نه‌وه‌ له‌ هه‌بوونی مه‌وادی به‌سه‌رچوو ئه‌مه‌ش جێگه‌ی ده‌ستخۆشی لیژنه‌كانی قائیمقامیه‌تی سلێمانیه‌.


 ئه‌م بابه‌ته‌ 293 جار بینراوه‌

هه‌واڵی زیاتر