قائیمقامیه‌تی سلێمانی  به‌هاوكاری نوسینگه‌ی هه‌ماهه‌نگی قه‌یرانه‌كان و ئیداره‌ی كه‌مپه‌كانی ئاواره‌كان له‌ هه‌وڵی بنبڕكردنی دیارده‌ی سواڵكردنی منداڵانی نێو كه‌مپه‌كان و ئاواره‌كانه‌دایه‌.

بۆ ئه‌و مه‌به‌سته‌ رۆژی 29ی10ی2019 ئاوات محه‌مه‌د قائیمقامی سلێمانی له‌گه‌ڵ نوێنه‌رانی داواكاری گشتی و پۆلیس و ئاسایش و نشینگه‌و نوسینگه‌ی هه‌ماهه‌نگی قه‌یرانه‌كان كۆبووه‌وه‌.

له‌ كۆبوونه‌وه‌كه‌دا باسی دیارده‌ی سواڵكردنی منداڵان و هۆكاره‌كانی بڵاو بوونه‌وه‌ی و چاره‌سه‌ركردنی كرا. ته‌ئیكد كرایه‌وه‌ كه‌ ئیداره‌ی كه‌مپه‌كان كه‌سوكاری منداڵان ئاگادار بكه‌نه‌وه‌ كه‌ هه‌ر منداڵێكی نیشته‌جێی كه‌مپه‌كان سواڵ بكات رێوشوێنی یاسای له‌به‌رامبه‌ردا ده‌گیرێته‌ به‌ر.