لیژنه‌یه‌كی وه‌زاره‌تی ناوخۆی عیراق له‌ كه‌مپی ئاشتی ده‌ست به‌كاربوون بۆ ده‌ركردنی كارتی نیشتیمانی بۆ ئه‌و ئاوارانه‌ی داوای ده‌ركردنی ئه‌و كارته‌یان كردووبوو.

لیژنه‌كه‌ به‌هاوكاری تیمێكی unhcr و ئیداره‌ی كه‌مپه‌كه‌ كاره‌كانیان به‌رێوه‌ده‌به‌ن و كارتی نیشتیمانی بۆ سه‌رجه‌م ئه‌و ئاوارانه‌ ده‌رده‌كه‌ن كه‌ داوای ئه‌و كارته‌یان كردووه‌و پێشتر نه‌یان بووه‌.

 كارى لیژنه‌كه‌ به‌رده‌وام ده‌بێت تاوه‌كو به‌ پێى پلان ئه‌وانه‌ى داوایان پێشكه‌ش كردوه‌ كارته‌كانیان بۆ ده‌رده‌كرێت . پاش ته‌واو بوونى كه‌مپى ئاشتى و عه‌ربه‌ت , سه‌ردانى شوێنه‌كانى تریش ده‌كه‌ن , به‌ڵام له‌ سه‌ره‌تادا له‌و شوێنانه‌وه‌ ده‌ست پێ ده‌كه‌ن كه‌ زۆرترین داواكارى هه‌یه‌ .