-    ڕۆژی 20ی تشرینی دووەمی ساڵی 1602، زانای بواری فیزیا (ئۆتفۆن گۆریك)ی ئەڵمانی لە دایك بووە، كە ڕۆڵی زۆری بینیوە لە پێشخستنی زانست لە ئەڵمانیادا.
-    ڕۆژی 20ی تشرینی دووەمی ساڵی 1815، دوای ئەوەی سوپاكەی (ناپلیۆن پۆناپارت) لە جەنگی (واترلۆ)دا شكستی هێنا پەیماننامەی پاریس لە نێوان ناپلیۆن ‌و هێزە هاوبەشەكانی بەریتانیا ‌و ڕوسیا ‌و نەیارە فەرەنسییەكانی ناپلیۆندا مۆر كرا.
-    ڕۆژی 20ی تشرینی دووەمی ساڵی 1832، سوڵتان (محێدین)ی سوڵتانی جەزائیر دەستبەرداری كورسیی دەسەڵات بوو بۆ شازادە (عەبدولقادر)ی كوڕی ‌و چووە سەر كورسیی دەسەڵات و شوێنی باوكی گرتەوە.
-    ڕۆژی 20ی تشرینی دووەمی ساڵی 1910، ئەدیب ‌و ڕۆماننوسی ناوداری ڕوسیایی (لیۆ تۆڵستۆی) كۆچی دوایی كردووە كە چەندین بەرهەمی گرنگی لە پاش خۆی بەجێهێشتووە ‌و بۆ زۆربەی زمانە زیندووەكانی جیهان وەرگێڕدراون.
-    ڕۆژی 20ی تشرینی دووەمی ساڵی 1919، (شەریف پاشای خەندان) نوێنەری كورد لە كۆنگرەی ئاشتیی پاریس ڕێككەوتننامەیەكی لەگەڵا (بۆگۆس نۆبار)ی نوێنەری ئەرمەن مۆر كرد كە تایبەت بوو بە هاوكاریكردنی نێوان كورد ‌و ئەرمەن لە پێناو ڕزگاربوون لە ژێردەستەیی دەوڵەتی عوسمانی.
-    ڕۆژی 20ی تشرینی دووەمی ساڵی 1924، هاووڵاتییەكی میسری هێرشی كردە سەر سێر (لی ستاك) فەرمانڕەوای ئینگلیز بە سەر سوپای میسر ‌و حاكمی گشتیی سودان كە بە هۆیەوە ستاك تیرۆر كرا و ئەو كارەش پشێویی لە نێوان میسر و بەریتانیادا دروست كرد.
-    ڕۆژی 20ی تشرینی دووەمی ساڵی 1935، هێزەكانی بەریتانیا گەمارۆی ناوچەی (یەعبد)ی فەڵەستینیان دا ‌و هێرشیان كردە سەر چەكدارەكانی فەڵەستین كە بە هۆیەوە (عزەدین قەسام)ی سەركردەی چەكدارەكانی فەڵەستین ‌و ژمارەیەكی زۆر لە چەكدارەكان گیانیان لەدەستدا.
-    ڕۆژی 20ی تشرینی دووەمی ساڵی 1937، دەوڵەتی عێراق هەستا بە لە سێدارەدانی تێكۆشەر ‌و كەسایەتیی ناسراو (مەحمود جەودەت).
-    لە پاش كۆتاییهاتنی جەنگی دووەمی جیهانی، ڕۆژی 20ی تشرینی دووەمی ساڵی 1945، لەلایەن دادگای نۆرنبێرگەوە دەست بە دادگاییكردنی 24 سەركردەی سوپای ئەڵمانیای نازی كرا كە تۆمەتبار كرابوون بە ئەنجامدانی تاوانی جەنگ ‌و كۆمەڵكوژیی.
-    ڕۆژی 20ی تشرینی دووەمی ساڵی 1945، (جەعفەر پیشەوەری) جیابوونەوەی ئازەربایجانی لە ئێران ڕاگەیاند ‌و كۆماری سەربەخۆی ئازەربایجانی لە باكوری ئەو وڵاتە ئاشكرا كرد.
-    ڕۆژی 20ی تشرینی دووەمی ساڵی 1951، بە هۆی شەڕ و پێكدادان لە نێوان سوپای بەریتانیا ‌و میسردا كە بە هۆیەوە 15 سەرباز لە هەردوو سوپاكە كوژران زۆربەی خێزانە بەریتانییەكانی ناو میسر خاكی ئەو وڵاتەیان بەجێهێشت.
-    ڕۆژی 20ی تشرینی دووەمی ساڵی 1957، (گۆدلاك جۆناسان)ی سەرۆكی نێجیریا لە دایك بووە، كە لە نێوان ساڵانی 2010 بۆ 2015 سەرۆكی ئەو وڵاتە بوە.
-    دوای ئەوەی (حافز ئەسەد)ی لە ئەنجامدانی كودەتایەكدا لە سوریا سەركەوتنی بەدەست هێنا، ڕۆژی 20ی تشرینی دووەمی ساڵی 1970، ئەسەد كابینەیەكی وزاریی لە 26 وەزارەت پێكهێنا ‌و خۆیشی وەكو وەزیری بەرگری دەستبەكار بوو.
-    ڕۆژی 20ی تشرینی دووەمی ساڵی 1971، هێزەكانی ئێران هەڵیانكوتایە سەر دورگەكانی (ئەبوموسا ‌و تومبی گەورە ‌و تومبی بچوك) لە ئاوەكانی كەنداودا دەستیان بەسەردا گرتن، كە ئەوەش نیگەرانیی وڵاتانی عەرەبیی ناوچەی كەنداوی لێكەوتەوە.
-    ڕۆژی 20ی تشرینی دووەمی ساڵی 1979، ژمارەیەك توندڕەو بە ڕابەرایەتیی (جهیمان) چوونە ناو (كەعبەی پیرۆز) لە شاری مەككەی سعودییە ‌و بۆ ماوەیەك دەستیان بەسەردا گرت، ڕاشیانگەیاند كە (مەهدیی مونەتزر) سەری هەڵداوە بەڵام پاش ماوەیەك دەستگیركران.
-    ڕۆژی 20ی تشرینی دووەمی ساڵی 1979، نوێنەرانی شۆڕشی كورد لە خۆرهەڵاتی كوردستان ‌و حكومەتی ئێران لە شاری مهاباد كۆبوونەوە بە مەبەستی چارەسەركردنی كێشەكانی نێوان كورد ‌و حكومەتی تاران.
-    ڕۆژی 20ی تشرینی دووەمی ساڵی 1980، دادگای باڵای كۆماری چین دەستی بە پرۆسەی دادگاییكردنی چوار تۆمەتبار كرد بە تۆمەتی هەڵگەڕانەوە لە دەسەڵاتی سیاسیی ئەو وڵاتە كە لە نێوانیاندا هاوسەری (ماو تسی تۆنگ)ی ڕابەری شۆڕشی گەلی چین هەبوو.
-    ڕۆژی 20ی تشرینی دووەمی ساڵی 1991، هێزەكانی سوپای عێراق لە چەند قۆڵێكەوە هێرشیان كردە سەر ناوچەكانی كفری ‌و شوان لە سنوری گەرمیان، بەڵام لەلایەن هێزی پێشمەرگەی كودستانەوە بە توندی وەڵام درانەوە ‌و هێرشەكان تێكشكێنران زیانێكی زۆری گیانیی ‌و ماڵییش لە سوپای عێراق كەوت.
-    ڕۆژی 20ی تشرینی دووەمی ساڵی 2001، (جۆرج دەبلیو بوش)ی سەرۆكی ئەمریكا بارەگای وەزارەتی دادی كردەوە ‌و ناوی لێنا (ڕۆبەرت كینیدی) وەكو ڕێزلێنانێك لەو كەسایەتییەی ئەمریكا كە ساڵی 1925 گیانی لەدەست دابوو.
-    ڕۆژی 20ی تشرینی دووەمی ساڵی 2003، بە هۆی تەقینەوەی ئۆتۆمبێلێكەوە لە بەردەم بارەگای یەكێتیی نیشتمانیی كوردستان لە شاری كەركوك 4 كەس گیانیان لە دەست دا ‌و نزیكەی 35ی تریش بریندار بوون.
-    ڕۆژی 20ی تشرینی دووەمی ساڵی 2006، ڕۆژنامەنوس ‌و شاعیر ‌و نوسەری بەناوبانگی ئێرانی، (مەنوچەهر ئاچی) كۆچی دوایی كردووە كە یەكێك بووە لە چالاكوانەكانی ئێران ‌و ڕۆڵی زۆری هەبووە لە پێشخستنی ئەدەبی ئێرانیدا.
-    ئەمڕۆ بە ڕۆژی جیهانیی بەرگریكردن لە مافەكانی منداڵان لە قەڵەم دەدرێت ‌و لە جیهاندا گرنگییەكی زۆری پێدەدرێت، كە لەلایەن ڕێكخراوی نەتەوەیەكگرتووەكانەوە لەساڵی 1954دا وەكو ڕۆژێكی جیهانیی دانی پێدانراوە، لە ڤێتنامیش ئەمڕۆ ڕۆژی مامۆستایانە.