عومەر محەمەدئەمین جێگری پارێزگاری سلێمانی و سەرپەرشتیاری نوسینگەی هاوبەشی هەماهەنگی قەیرانەكان، بە ئامادەبوونی باباڕەسوڵ غەفور بەرێوەبەری نوسینگەی هاوبەشی هەماهەنگی قەیرانەكانی سلێمانی، پێشوازیان كرد لە وەفدێكی حكومەتی هەنگاری و رێكخراوی (HIA) هەنگاری و رێكخراوی(REACH).
لە كۆبوونەوەیەكدا هەردوولا گفتوگۆیان كرد لەسەر ئەو پلان و پرۆژە نوێیانەی كە رێكخراوی (HIA) هەنگاری بەنیازە لە سلێمانی جێبەجێیان بكات.
بەتایبەت پرۆژەی (قودرەی 2) كە تایبەتە بە هاوكاریكردنی بوژاندنەوەی كەرتی كشتوكاڵ و دۆزینەوەی كار لەم كەرتەدا بۆ ئاوارەكان و خەڵكی خانەخوێ.