له بینای به‌ڕێوه‌به‌رایه‌تی ته‌ندروستی سلێمانی كۆبوونه‌وه‌ی مانگانه‌ی كلاسته‌ری ته‌ندروستی به ئاماده‌بوونی نوێنه‌ری نوسینگه‌ی هه‌ماهه‌نگی قه‌یرانه‌كانی سلێمانی(JCC) به‌ڕێوه‌چوو.
له كۆبوونه‌وه‌كه‌دا كه نوێنه‌ری ته‌ندروستی سلێمانی و نوێنه‌ری WHO و UNICIF و UNFPA و ژماره‌یه‌ك رێكخراو و لایه‌نی په‌یوه‌ندیدار و نوێنه‌ری ته‌ندروستی كه‌مپه‌كان ئاماده‌بوون
ته‌وه‌ری سه‌ره‌كی كۆبوونه‌وه‌ی ئه‌م مانگه‌ی كلاسته‌ری ته‌ندروستی ته‌رخانكرابوو به بابه‌تی بڵاوبوونه‌وه‌ی ڤایرۆسی كرۆنا و مه‌ترسییه‌كانی و چۆنێتی خۆپاراستن له‌و ڤایرۆسه.
له كۆبوونه‌وه‌كه‌دا خاتوو چیمه‌ن ساڵح نوێنه‌ری نوسینگه‌ی هه‌ماهه‌نگی قه‌یرانه‌كان باسی رێوشوێنه‌كانی كرانتینه‌كردنی ئه‌و هاووڵاتیانه‌ی له ده‌ره‌وه گه‌ڕاونه‌ته‌وه كرد و روونی كرده‌وه كه ئه‌و هاووڵاتیانه له ژماره‌یه‌ك له هۆتێل و شوێنی گه‌شتیاری كه‌ره‌نتینه كراون به‌رده‌وام كارمه‌ندانی نوسینگه‌ی هه‌ماهه‌نگی قه‌یرانه‌كان سه‌ردانی ئه‌و شوێنانه ده‌كه‌ن و له پێداویستیه‌كانیان ده‌كۆڵنه‌وه.
داواشی كرد رێكخراوه‌كان هاوكاری ئه‌و پرۆسه‌یه‌و ئه‌و هاووڵاتیانه بكه‌ن كه كه‌رنتینه كراون.