لیژنەی باڵای ئۆپراسیۆنەكان چەند بڕیارێكی نوێ‌ دەردەكات

پارێزگای سلێمانی

لیژنەی باڵای ئۆپراسیۆنەكانی پارێزگای سلێمانی كۆدەبێتەوە ‌و چەند بڕیارێك دەردەكات سەبارەت بە خۆپارێزیی لە كۆرۆنا.
ڕۆژی چوارشەممە 17/3/2021، لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆنا و لیژنەی باڵای ئارامیی پارێزگای سلێمانی، بە سەرپەرشتیی د. هەڤاڵ ئەبوبەكر پارێزگاری سلێمانی و بەئامادەبوونی بەڕێزان سەرۆكی ئەنجومەنی پارێزگای سلێمانی ‌و بەرپرسی فەرمانگە پەیوەندیدارەكان كۆبوەوە.
لە میانی كۆبوونەوەكەدا گفتوگۆی تێروتەسەل كرا لە بارەی دوایین پێشهاتەكان ‌و بیروڕا ئاڵوگۆڕ كرا، هەروەها دوا هەڵسەنگاندنیش بۆ دۆخی تەندروستیی و ڕێكارەكانی خۆپارێزیی لە پەتای كۆرۆنا و ڕێكارە پێویستەكان بۆ پێشوازیكردن لە جەژنی نەورۆز و سەری ساڵی نوێی كوردی كران.
دوای گفتوگۆ ‌و هەڵسەنگاندنی بارودۆخەكە ‌و لەسەر رۆشنایی كۆبوونەوەی لیژنەی باڵای ئۆپۆراسیۆنەكانی هەرێمی كوردستان، چەند بڕیارێك دەركران ‌و گشتاندنیان پێكرا بۆ فەرمانگە ‌و دامودەزگاكان.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber