هەردوو جێگری پارێزگاری سلێمانی بۆ كاروباری كارگێڕیی ‌و هونەریی، بە یاوەریی جێگری سەرۆكی ئەنجومەنی وەزیرانی هەرێم، بە ئامانجی لە نزیكەوە ئاگاداربوون لە چۆنێتیی بەڕێوەچوونی كاروبارەكانی پرۆژەی ستراتیژیی ئۆتۆبانی بابان، سەردانی پرۆژەكەیان كرد ‌و لەگەڵ بەرپرسانی كۆمپانیای جێبەجێكار كۆبوونەوە.
رۆژی یەكشەممە 23/5/2021، هەریەكە لە  ئەحمەد عەلی ئەحمەد جێگری پارێزگاری سلێمانی بۆ كاروباری هونەریی و لەیلا عومەر عەلی جێگری پارێزگاری سلێمانی بۆ كاروباری كارگێڕیی، بە یاوەریی بەڕێز قوباد تاڵەبانی جێگری سەرۆكی ئەنجومەنی وەزیران، سەردانی پڕۆژەی (ئۆتۆبانی بابان) شەقامی سەد مەتریی سلێمانییان كرد.
سەردانەكەی جێگری سەرۆكی حكومەت ‌و جێگرانی پارێزگار بە مەبەستی چاودێریكردنی ئیشوكارەكانی پرۆژەكە و بەدواداچوون بۆ جێبەجێكردنی قۆناغەكانی پرۆژەكە بوو، لە میانی سەردانەكەشدا بەرپرسانی كۆمپانیای قەیوان ئاماژەیان بەوەكرد پرۆژەكە هەنگاوی باشی بڕیوە و كارەكان بە باشی بەڕێوەدەچن.
جێگرانی پارێزگاری سلێمانی دەستخۆشییان لە ستافی كۆمپانیای جێبەجێكار كرد كە لێبڕاوانە كار دەكەن ‌و ئامادەییشیان پیشاندا بۆ هەر جۆرە هاوكارییەك كە ئامانج لێی خزمەتكردنی گشتیی ‌و زووتر راپەڕاندنی پرۆژەكە بێت.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe