پرۆژەكانی سلێمانی بۆ پاراستنی سامانی ئاو پەسەند دەكرێن

پارێزگای سلێمانی

كۆبوونەوەیەكە تایبەت بە پاراستنی سامانی ئاو لە هەرێمی كوردستان بەڕێوەدەچێت ‌و لە میانی كۆبوونەوەكەدا پرۆژە ‌و پێشنیازەكانی پارێزگای سلێمانی بۆ ئەو مەبەستە پەسەند دەكرێن.
ڕۆژی پێنجشەممە 2/9/2021، د. هەڤاڵ ئەبوبەكر پارێزگاری سلێمانی، لە سەرۆكایەتیی ئەنجومەنی وەزیران، بەشدارییكرد لە كۆبونەوەی تایبەت بە داڕشتن و دانانی بەرنامە بۆ ستراتیژی پاراستنی سامانی ئاو لە هەرێمی كوردستاندا، كە لەلایەن وەزارەتەكانی شارەوانیی و گەشتوگوزار و كشتوكاڵ و سەرچاوە ئاوییەكانەوە، بەبەشداریی وەزارەت و دەستە پەیوەندیدارەكان و پارێزگار و ئیدارە سەربەخۆكان ڕەشنوسێكی تایبەت بەم بوارە ئامادە كرابوو، لەم كۆبوونەوەیەدا پەسەندكرا.
لە ڕەشنوسەكەدا هەموو ئەو داواكاریی و پێشنیاز و پرۆژانەی پارێزگای سلێمانی پەسەندكران، كە پێشتر و لە میانی كۆبوونەوەی پارێزگاری سلێمانی لەگەڵ بەڕێزان بەڕێوەبەرانی ئاو و ئاوی دەوروبەر و ئاوی ژێرزەوی و ئاودێریی سلێمانی و پسپۆڕانی زانكۆ و سەرۆكی یەكە كارگێڕییەكانی سنوری پارێزگادا گەڵاڵە كرابوون.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe