حكومەتی هەرێمی كوردستان پارەی پێویست بۆ تەواوكردنی پرۆژەی ئاوی دەربەندیخان تەرخان دەكات ‌و بەمزوانە دەست دەكرێتەوە بە كاركردن لە پرۆژەكەدا ‌و بە تەواوبوونیشی كێشەی كەمئاویی لە سنورەكەدا چارەسەر دەبێت.
بەگوێرەی راگەیەندراوێكی ئەنجومەنی وەزیران، دوای ئەوەی بەهۆی پەتای كۆرۆنا و لێكەوتە ئابوورییەكانییەوە، كاركردن لە پرۆژەی ئاوی دەربەندیخان وەستا، دووبارە لەسەر بودجەی وەزارەتی شارەوانی و گەشتوگوزار دەست بە جێبەجێكردنی دەكرێتەوە، ئێستا نزیكەی 60%ی كارەكانی جێبەجێكراوە و بڕیاریشە ئەو بەشەی كە هێشتا جێبەجێ‌ نەكراوە نەكراوە، بەمزوانە تەواو بكرێت.
جێبەجێكردنی پرۆژەی ئاوی دەربەندیخان لەلایەن بەڕێوەبەرایەتیی گشتی ئاو و ئاوەڕۆ لە وەزارەتی شارەوانی و گەشتوگوزار و بەڕێوەبەرایەتیی ئاوی دەوروبەری سلێمانی سەرپەرشتیی دەكرێت و لەلایەن كۆمپانیایەكی جێبەجێكار بە گوژمەی 19،799،100 دۆلار لەسەر بودجەی وەزارەتی شارەوانی و گەشتوگوزار جێبەجێ‌ دەكرێت.
لە راگەیەندراوەكەدا هاتوە، 75 هەزار كەس لە دانیشتوانی قەزای دەربەندیخان و دەوروبەری لە پرۆژەكە سوودمەند دەبن ‌و گرفتی پیسبوونی ئاو و كەمیی ئاویش لە سنورەكەدا بە تەواوی چارەسەر دەكات.
پرۆژەی ئاوی دەربەندیخان لە دوو بەشی سەرەكی پێكدێت، بەشی وەرگر و بەشی پاڵاوتن و چارەسەركردن، كە بە هێڵێكی سەرەكی بەستراونەتەوە لە بۆریی كاربۆن ستیل بە تیرەی 500 ملیم و بە درێژیی 2،8 كیلۆمەتر، پرۆژەكە دوو هێڵی دابەشكردنی ئاوی هەیە بە تیرەی 400 ملیم و درێژیی 250 مەتر و 300 ملیم بەدرێژیی 1800 مەتر.
جگە لەوەی ئێستا 60%ی كارەكانی پرۆژەكە جێبەجێكراوە، هاوكات بە ڕێژەی 90%یش كاری ئەندازەی شارستانی و 100%ی كاری دیزاینی تەواو بووە، ئێستاش كۆمپانیای بەڵێندەر سەرقاڵی دابینكردنی ئەو كەلوپەلانەن كە بۆ تەواوكردنی بەشی كارەبا و میكانیكی پرۆژەكە پێویستن و بڕیارە لە ئایندەیەكی نزیكدا دەست بەكارەكانی بكات.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe