قائیمقامیەتی قەزای مەڵبەندی سلێمانی، دوایین ئاماری كار و چالاكیی لیژنە هاوبەشەكانی بۆ ڕای گشتی بڵاودەكردەوە، ئەو زانیارییانەی كە تۆماركراون دەریدەخەن ژمارەی سەردانەكان بۆ چاودێریكردنی شوێنە گشتیی و بازرگانییەكان لە ساڵی (2022)دا زیادیانكردووە.
بە پشتبەست بە دوایین ئاماری كار و چالاكیی لیژنە هاوبەشەكان، كە لە ساڵی (2022)دا تۆماركراون، لە ڕێكەوتی (1/1/2022) تاوەكو (31/12/2022)، لەلایەن لیژنە هاوبەشەكانەوە (92.455) سەردان بۆ شوێنە گشتیی و بازرگانییەكانی سنوری شاری سلێمانی ئەنجامدراون، لە كۆی ئەو سەردانانەشدا (8.333) حاڵەتی جیاجیای سەرپێچی تۆماركراون، كە هۆبەی ئامار لە دیوانی قائیمقامیەتی سلێمانی ژمارەی سەردانەكانی بە رێژەی (87%) و ژمارەی سەرپێچیەكانیشی بە رێژەی (8%) دیاری كردووە.
ئەوەش لە كاتێكدایە كە رێژەی سەردانەكان لە ساڵی (2022)دا بەراورد بە ساڵی (2021) بە رێژەی (3%) زیادیانكردووە، بەجۆرێك لە ساڵی (2021) دا، (77.578) سەردان ئەنجامدراون و (7.851) حاڵەتی سەرپێچی تۆماركراون.
لە دوایین ئامار و كار و چالاكییەكانی دیكەی لیژنە هاوبەشەكانی قائیمقامیەتی قەزای مەڵبەندی سلێمانی بۆ ساڵی (2022)، بەمشێوەیەی خوارەوە تۆماركراون:
ئاگاداركردنەوە (5.215) پسوڵە، داخستن (840) شوێن، دادگا (215) حاڵەت، مەوادی لەناوبراو (365) تۆن و (349) كیلۆگرام، غەرامە (550) ملیۆن و (250) هەزار دینار.
بۆ زانیاریی زیاتر لە بارەی كار و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن و نوێترین هەواڵ و زانیاریتان بەدەست بگات، بەم ئەدرەسانەی خوارەوە:
https://twitter.com/SlemaniGov
https://www.linkedin.com/company/30141235/admin/
https://www.facebook.com/slemanigov/