لیژنەی باڵای تەملیككردن و تاپۆكردنی خانووە زیادەڕۆكان كۆدەبێتەوە و جەخت دەكاتەوە لەسەر خستنەگەڕی هەموو تواناكان، لەپێناو چارەسەركردنی گرفت و كێشەكان و پەلەكردن لە تاپۆكردنی ئەو خانوانەی كە یاسا دەیانگرێتەوە لەسەر خاوەنەكانیان.
ڕۆژی چوارشەممە 15/2/2023، د. هەڤاڵ ئەبوبەكر پارێزگاری سلێمانی، لە دیوانی پارێزگادا، سەرپەرشتیی كۆبونەوەی لیژنەی باڵی سەنتەری پارێزگای سلێمانیی كرد، تایبەت بە جێبەجێكردنی یاسای بەخاوەنكردنی ئەو زەوییانەی لە سنوری شارەوانییەكاندا زیادەڕۆییان لەسەر كراوە.
لە كۆبوونەوەكەدا بەبەشداریی سەرۆك و بەڕێوەبەری هەموو فەرمانگە پەیوەندیدارەكان بڕیاردرا بە چارەسەركردنی هەموو ئەو گرفت و كێشانەی، كە لە بەردەم جێبەجێكردنی یاساكەدا هەن و دڵنیاكردنەوەی ئەو هاووڵاتیانەی یاساكە دەیانگرێتەوە، لە تاپۆكردنی خانوەكانیان.
بەگوێرەی نوسراوێكی شارەوانیی سلێمانی، هەموو ئەو خانووە زیادەڕۆیانە تاپۆ دەكرێن لەسەر خاوەنەكانیان، كە یاسای (3ی ساڵی 2019)ی هەمواركراو بە یاسای (7ساڵی 2021) دەیانگرێتەوە، ئەویش بەپێی یاسای تەملیككردنی زیادەڕۆیی گوندەكانی ناو ماستەرپلان بە ژمارە (12ی ساڵی 2012) كە تایبەتن بە تۆماركردنیان بە ناوی هاووڵاتیان.
بۆ زانیاریی زیاتر لە بارەی كار و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن و نوێترین هەواڵ و زانیاریتان بەدەست بگات، بەم ئەدرەسانەی خوارەوە:
https://twitter.com/SlemaniGov
https://www.linkedin.com/company/30141235/admin/
https://www.facebook.com/slemanigov/