بەگوێرەی بڵاوكراوەكانی سەرۆكایەتیی شارەوانیی سلێمانی، كاركردن لە پرۆژە خزمەتگوزارییەكان لەناو شاری سلێمانی بەردەوامیی هەیە، كە گرنگترینیان پێكدێن لە بەردەمیدان بە تەواوكردنی شاڕێی بابان و دروستكردنی چەندین ئەندەرپاس و قیرتاوكردن و كۆنكرێتكردنی سەقامەكان و سەوزكردنی ناوشار و كۆكردنەوەی خۆڵ و خاشاك.
پرۆژەكانی ئاو و ئاوەڕۆ و تێكەڵەڕێژكردن و قیرتاوكردن لەگەڕەكەكانی سلێمانی بەردەوامییان هەیە، بەڕێژەی سێسەد و بیست و حەوت هەزار مەتر دووجا، جێبەجێكردنی 21 پرۆژەی بەردەوامی جۆراوجۆر بەتێچووی 12 ملیار دینار. كاركردنی بەردەوام لە شاڕێی بابان (100 مەتری)ی سلێمانی و كاركردن و تەواوكردن و فراوانكردنی شەقامی هەواری شار و قیرتاوكردنی شەقام و كۆڵانەكانی ناوشار.
هەر بە گوێرەی زانیارییەكان، یانزە پرۆژەی تر ئامادەكارییان بۆ كراوە و لەداهاتوودا كاریان تێدا دەكرێ بەگوژمەی زیاتر لە 700ملیۆن دینار، نۆژەنكردنەوەی هەردوو هۆڵی بەختیاری و چوارباخ، كاركردن لەسەر سنوری گوندەكانی دەوروبەری سنوری شارەوانییەكان بۆ تەملیك و تاپۆكردن بەڕێكاری یاسایی، نۆژەنكردنەوەی پاركی ئازادی و باخی گشتی بە گوژمەی دوو ملیار و شەشسەد ملیۆن دینار، كاركردن لەسەر تەواوكردنی ڕێكارە یاسایی و هونەرییەكانی زیاتر لە 7 كارگە لە زۆنی خۆراك و 27ی دیكەی جۆراوجۆر.
سەرۆكایەتیی شارەوانیی سلێمانی لە بڵاوكراوەكانیدا ئاماژەی بەوەش داوە، لە بوارەكانی سەوزكردن و پاككردنەوەی خۆڵ و خاشاك بەردەوامن و لە ساڵی رابردوودا سێسەد سی هەزار تۆن خۆڵ و خاشاك لەناو شاردا كۆكراوەتەوە.
بۆ زانیاریی زیاتر لە بارەی كار و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن و نوێترین هەواڵ و زانیاریتان بەدەست بگات، بەم ئەدرەسانەی خوارەوە:
https://twitter.com/SlemaniGov
https://www.linkedin.com/company/30141235/admin/
https://www.facebook.com/slemanigov/