لەسلێمانی شەشەمین سیمپۆزیەمی پەیپەرە نایابەكان بەڕێوەدەچێت، كە بۆنەیەكی زانستیی ســاڵانەیەو ئامانج لێی ناساندنی توێژەران و پێشخستنی توێژینەوەی زانستییە لەكوردستان و عیراقدا.
كاروان رەسوڵ رێكخەری میدیا لەدامەزراوەی سەرۆك جەلال تاڵەبانی بەسایتی پارێزگای سلێمانی راگەیاند: رۆژی پێنجشەممە (17/8/2023) لەزانكۆی سلێمانی سیمپۆزییەمی پەیپەرە نایابەكان بەڕێوەدەچێت و باشــترین 10 پەیپەری توێژینەوەی زانستی ھــەڵدەبژێرێت بەمەبەستی خــەڵاتكـردنیان لە كۆی زیاتر 20 بیست هــەزار توێژینەوە كە لە ســاڵی 2022دا بڵاوكراونەتەوە لەســەرتاسـەری ھەرێمی كوردستان و عیراقدا، وتیشی: بۆ یەكەمجارە لەمێژوودا لەسەر ئاستی عیراق چالاكییەكی لەمشێوەیە دەكرێت كەھەموو توێژینەوەكانی عیراق لە خۆبگرێت و یەكەمەكان دیاریی بكرێن.
روونیشیكردەوە، پڕۆسەی جیاكردنەوەو پلەبەندی و دیاریكردنی پەیپەرە سەركەوتووەكان لەلایەن رێكخراوی (Kscien)ەوەو لــەڕێگەی پێوەری زانستی ( SNAPR ) كراوە. لەم بۆنە زانستییەدا خەڵاتی گەنجترین توێژەرو چالاكترین توێژەری ژن دەكرێت.
شەشەمین سیمپۆزیەمی پەیپەرە نایابەكان، سەعات 9:30ی سەرلەبەیانی رۆژی پێنجشەممە 17/8/2023 ، لە هۆڵی كۆنگرێس لە كەمپی نوێی زانكۆی سلێمانی بەڕێوەدەچێت.
چالاكییەكەش لەلایەن زانكۆی سلێمانی و رێكخراوی كەیساین، دامەزراوەی سەرۆك جەلال تاڵەبانی و مایۆركا سیتییەوە رێكدەخرێت.
بۆ زانیاریی زیاتر لە بارەی كار و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن و نوێترین هەواڵ و زانیاریتان بەدەست بگات، بەم ئەدرەسانەی خوارەوە:
https://twitter.com/SlemaniGov
https://www.linkedin.com/company/30141235/admin/
https://www.facebook.com/slemanigov/