ۆركشۆپێكی تایبەت بە بەرەنگاربوونەوەی ماددە هۆشبەرەكان و چۆنێتیی چارەسەركردنی تووشبوان، لە شاری سلێمانی بەڕێوەدەچێت، جێگری پارێزگاریش جەخت دەكاتەوە لە یەكخستنی هەموو تواناكان بۆ بەرەنگاربوونەوەی ماددە هۆشبەرەكان.
ڕۆژی هەینی 13/10/2023، ئەحمەد عەلی ئەحمەد، جێگری پارێزگاری سلێمانی، بەشدارییكرد لە ۆركشۆپی بەرەنگاربوونەوە و چارەسەركردنی تووشبوانی ماددە هۆشبەرەكان، كە لەلایەن لقی سلێمانیی كۆمەڵەی پزیشكی دەروونیی كوردستان و كۆلیژی پزیشكیی زانكۆی سلێمانی و دەزگای ئاسایشی هەرێمی كوردستانەوە ڕێكخرابوو.
جێگری پارێزگاری سلێمانی لە وتەیەكدا، وێڕای تیشكخستنە سەر پرس و مەترسییەكانی ماددەی هۆشبەر، گرفتی بڵاوبوونەوە و بەكارهێنانیشی وەك هەڕەشەیەكی بەردەوام و مەترسیدار وەسفكرد بۆ سەر كۆمەڵگەی مرۆڤایەتی.
لە میانی وتەكەیدا ئەحمەد عەلی سوپاسی ئەفسەر و كارمەندانی بنكە و فەرمانگەكانی دەزگای ئاسایشی هەرێمی كوردستانی كرد، هەروەها هەوڵ و ماندووبوونی پزیشك و كارمەندانی كەرتی تەندروستی و كۆمەڵەی پزیشكی دەروونیی كوردستانی بەرزنرخاند، لەبەرامبەر هەوڵ و ماندووبوونی بەردەوامیان بۆ بەرەنگاربوونەوەی ماددە هۆشبەرەكان و شیاندنەوەی تووشبوان.
جێگری پارێزگاری سلێمانی كۆڕ و سیمیناری زانكۆكانی سنوری پارێزگاكانی سلێمانی و هەڵەبجە و هەردوو ئیدارەی ڕاپەڕین و گەرمیانی لەو بوارەدا بە گرنگ لەقەڵەمدا.
بۆ زانیاریی زیاتر لە بارەی كار و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن و نوێترین هەواڵ و زانیاریتان بەدەست بگات، بەم ئەدرەسانەی خوارەوە:
https://twitter.com/SlemaniGov
https://www.linkedin.com/company/30141235/admin/
https://www.facebook.com/slemanigov/