ئەمڕۆ سێ شەممە ڕێکەوتی 6/8/2024 خولی راهێنانی ڕاهێنەران بۆ ئامادەكردنی پرۆسەی سەرژمێری گشتی دانیشتوان لە عێراق و هەرێمی كوردستان دەستی پێكرد
بە ئامادەبونی شاهۆ عوسمان” جێگری پارێزگاری سلێمانی و سەرۆكی لیژنەی ئۆپەراسیۆنەكانی سەرژمێری گشتی دانیشتوان و مامۆستا دڵشاد عومەر بەرێوەبەری گشتی پەروەردەی سلێمانی و شوان جەبار بەرێوەبەری ئاماری سلێمانی و یاریدەدەری سەرۆكی ژووری ئۆپراسیۆنی هەرێمی كوردستان و مامۆستا نەژاد عەبدوڵا یاریدەدەری بەرێوەبەری گشتی پەروەردەی سلێمانی سەردانی هۆڵی شەهید شەوكەوتیان كرد ، كە ژمارەیەك مامۆستا بەشدار دەبن لە خولی ڕاهێنان بەمەبەستی ئامادەسازی پرۆسەی سەرژمێری گشتی دانیشتوان لە عێراق و هەرێمی كوردستان،
هەروەها بە ئامادەبونی بەڕێز محمود عوسمان معروف بەرێوەبەری جێ بە جێ كار لە هەرێمی كوردستان و مامۆستا عومەر محەمەد ئەمین یاریدەدەری بەرێوەبەری گشتی پەروەردەی سلێمانی و مامۆستا تریفە محمد عبداللە بەڕێوەبەری پەروەردەی ڕۆژهەڵات سەردانی هۆڵی ئامادەیی سلێمانی كچانیان كرد بۆ ئەو مەبەستە.
ئەمرۆ دەستپێكی خولی راهێنانی ڕاهێنەرانە بۆ ئامادەكردنی (٧٧٦٩) توێژەرە لەسەر ئاستی عێراق كە لە نزیكەی (١٨٨) هۆڵ ئامادەكاریەكان دەكرێت لە پارێزگای سلێمانی (٣٤٩٨) كەس راهێنان دەكەن بۆ ئامادەكردنی پرۆسەی سەرژمێری گشتی دانیشتوان كە لە قۆناغی دوو بە سێ قۆناغ دەڕوات.
قۆناغی یەكەم لە مانگی (٩) دەستپێدەكات، ژمارە لێدانی گەمارۆسازی و ژمارە لێدانی بیناكانە كە دوو مانگ دەخایەنێت دواتر پرۆسەی پڕكردنەوەی فۆرمی خێزانە دواتر كۆتا قۆناغی پرۆسەی ژماردنی تاك واتە سەرژمێری گشتی دانیشتوانی عێراقە كە بڕیارە لە مانگی (١١) ئەنجامبدرێت، ئەم پرۆسەیە بە هاوكاری بەرێوەبەرایەتی گشتی پەروەردەی سلێمانی و پەروەردەی قەزاكان بەرێوەدەچێت.