یەكێتی ئەوروپا و بەرنامەی گەشەپێدانی ناوچە خۆجێییەكان پێشبركێیەك بۆ خوێندكاران و دەرچوانی زانكۆكانی هەرێمی كوردستان ساز دەكات و براوەی پێشبڕكێكە پاداشتێكی بەرچاوی پێشەكەش دەكرێت.
یەكێتی ئەوروپا و بەرنامەی گەشەپێدانی ناوچە خۆجێییەكان بانگێشتی فێرخوازان و دەرچوانی 2014هەتا2016ی زانكۆكانی هەرێم دەكات كە لەرێگەی پێشكەش كردنی پرۆژەی نوێ لە بواری كەمتر بەكارهێنان و كەمكردنەوەی دەرچوونی گازی دووەم ئۆكسیدی كاربۆن و گازی گەرمی قەتیسبوو بەشداری پێشبڕكێكی داهێنانی وزەی نوێبووەوە بكەن
بەپێی روونكردنەوەی پێشبڕكێكە خوازیاران دەتوانن لە چوار بواردا پرۆژە پێشكەش بكەن ئەوانیش بریتین لە:
1.پارێزگاری سەرچاوەی وزە.
2.گواستنەوە لە ناو شاردا
3.سەرچاوەكانی وزەی نوێبووەوە
4.تەكنۆلۆژیای زیرەك.
پرۆژە پێشكەشكراوەكان لەلایەن لیژنەیەكی شارەزای بواری وزەی نوێ بووەوە هەڵدەسەنگێندرێن و نمرەیان پێ دەدرێت.
پرۆژەی براوە پاداشت دەكرێت و پێشكەشی كەرتی گشتی و تایبەتی و بەخشەری نێودەوڵەتی دەكرێت.
ئەنجامەكان لە مانگی تەموزی ئەمساڵدا رادەگەیەنرێت .
خوازیاران دەتوانین پرۆژەكانیان بنێرن بۆ ئەم ئیمەیڵەی خوارەوە:
sustainable.energy.action.plan@gmail.com
بۆ زانیاری زیاتر دەتوانین سەردانی پەیجی پرۆژەكە بكەن بە ئەم ناونیشانە:
https://www.facebook.com/SustainableEnergyactionPlan/