وا بڕیاره له دوای كۆتایی هێنانی ئه‌و شه‌پۆله سه‌رمایه‌ی كه ڕوو له ناوچه‌كانی هه‌رێمی كوردستان ده‌كات پێداچوونه‌وه به خشته‌ی پێدانی كاره‌بای نیشتمانی بكرێت.
محه‌مه‌د ئه‌مین هه‌ورامی وته‌بێژی وه‌زاره‌تی كاره‌بای حكومه‌تی هه‌رێمی كوردستان ئاماژه‌ی به‌وه‌دا به هۆی هاتنی شه‌پۆلێكی سه‌رماوه له ئێستادا گۆڕانكاری له خشته‌ی پێدانی كاره‌بای نیشتمانی ناكرێت وله‌سه‌ر هه‌مان خشته‌ی ئێستا كاره‌با ده‌درێت به هاووڵاتیان به‌ڵام دوای كۆتایی شه‌پۆلی سه‌رماكه پێداچوونه‌وه به خشته‌ی كاره‌بای نیشتمانی ده‌كرێت.
له سه‌ره‌تای وه‌رزی زستانه‌وه وه‌زاره‌تی كاره‌با ڕۆژانه 8-10 كاتژمێر كاره‌با ده‌دات به هاووڵاتیان، چاوه‌ڕوانیش ده‌كرێت له گه‌ڵ به‌رزبوونه‌وه‌ی پله‌كانی گه‌رما ڕێژه‌ی پێدانی كاره‌بای نیشتمانی زیاد بكرێت.