بەڕێوەبەرایەتی هاتووچۆی سلێمانی ئاگاداری سەرجەم شۆفێری ئەو ماتۆڕسکیلانە دەکات کە ماتۆڕەکانیان لە بەڕێوەبەرایەتییەکانی هاتوچۆ تۆمار نەکراون دەستیان بەسەردا دەگیرێت
عمر نامق بەڕێوەبەری هاتوچۆی سلێمانی (بە وەکالەت) ڕایگەیاند: هەر ماتۆڕسکیلێک لە بەڕێوەبەرایەتییەکانی هاتوچۆ تۆمار نەکرابێت لێپێچینەوەی یاسایی لەگەڵ دەکرێت و ماتۆڕەکانیان دەستی بەسەردا دەگیرێت.
بۆ جێبەجێکردنی ئەم بڕیارە سەرجەم مەفرەزەکانی هاتوچۆ و زاڵگەکان ئاگادارکراونەتەوە بۆ ئەنجامدانی کاری پێویست لەو بارەیەوە.
خاوەنی ئەو ماتۆڕسکیلانە ئەتوانن سەردانی بەڕێوەبەرایەتی هاتوچۆی سلێمانی بکەن بۆ تۆمارکردنی ماتۆڕەکانیان بۆ ئەوەی تووشی هیچ جۆرە سزایەک نەبن.