وه‌زیری ته‌ندروستی هه‌رێم هۆشداری ده‌داته كۆمپانیاكانی ده‌رمان و ڕایده‌گه‌یه‌نێت ،بڕیاریداوه هه‌ر كۆمپانیایه‌ك ستیكه‌ر له ده‌رمان نه‌دات ڕیوشوێنی یاسا یی له گه‌ڵدا ده‌گرنه به‌ر.
د. ڕیكه‌وت حه‌مه ڕه‌شید وه‌زیری ته‌ندروستی هه‌رێم له په‌یجی تایبه‌تی خۆی له تؤڕی كۆمه‌ڵایه‌تی فه‌یسبووك بڵاویكردۆته‌وه، له كۆبوونه‌وه‌یه‌كدا له‌گه‌ڵ ڕاوێژكاری وه‌زاره‌ت ،به‌ڕێوه‌به‌ری كوالێتی كۆنترۆڵی جۆری ده‌رمان له‌گه‌ڵ نه‌قیب و سه‌رۆكی لقه‌كانی سه‌ندیكای ده‌رمانسازانی كوردستان بڕیاریداوه هه‌ر كۆمپانیایه‌ك ستیكه‌ر له ده‌رمان نه‌دات ڕێكاری یاسایی له‌گه‌ڵدا بگیرێته به‌ر .
ئاماژه‌ی به‌وه‌شداوه، هه‌ر له كۆبوونه‌وه‌كه‌دا بڕیاری پێكهێنانی دوو لیژنه‌ی تایبه‌تیان داوه بۆ به‌دواداچوونی ده‌رمانخانه نایاساییه‌كان و ده‌ست به‌سه‌رداگرتنی ئه‌و ده‌رمانانه‌ی ستیكه‌ریان له‌سه‌ر نیه و سه‌رچاوه‌كانیان نادیاره.
وه‌یری ته‌ندروستی ئه‌وه‌شی ڕوونكردۆته‌وه، به هه‌ماهه‌نگی له‌گه‌ڵ لایه‌نی په‌یوه‌ندیدار ڕێوشوێنی توندییان بۆ له ناوبردنی ده‌رمانی ساخته له‌ناو بازاڕه‌كان گرتۆته‌به‌ر.
وه‌رگیراوه:snn