پارێزگای سلێمانی

 د.هەڤاڵ ئەبوبەکر پارێزگاری سلێمانی، پڕۆژەی وەبەرهێنانی مێگا هۆم ستۆری براندی بەناوبانگیی ئەمریکیی ئاشلی Ashley؛ کردەوە.

پارێزگاری سلێمانی لە وتەیەکدا؛ پیرۆزبایی و پێزانین و پشتیوانیی پارێزگای سلێمانی بۆ ئەم پڕۆژانە دەربڕی، کە دەستی کاری ناوخۆیی بەگەڕدەخەن و ئەزمونی کارکردنی نێودەوڵەتیی گەڵاڵەدەکەن و، بازاڕی جیهانیی بە بازاڕی ناوخۆییەوە دەبەستنەوەو خواست و پێداویستییەکانی کڕیارو بازاڕ بە کوالێتییەکی بەرز دابیندەکەن، پشت بە وزەی خۆر وەک وزەی سەرەکیی کارکردن دەبەستن و یەکێکن لەو براندانەی کەرەستە شکاوو بەکارهاتووەکانی خۆیان ڕیساکڵدەکەنەوە، دوو یەکەی سیستمی بارگەکردنی ئۆتۆمبێلی کارەباییان لەم تەلارە نوێیەدا، بۆ پشتیوانیکردنی پاراستنی وزەی پاک و ژینگە دامەزراندووە.

ئەم پڕۆژەیە بەشێکە لە پلانی پارێزگای سلێمانی بۆ هەمەڕەنگکردنی سەرچاوەکانی وەبەرهێنان و پیشەسازیی و بازرگانیی و ئابورییەکی سەوز.