پارێزگای سلێمانی

ئەمڕۆ، د.هەڤاڵ ئەبوبەکر پارێزگاری سلێمانی، لە دیوانی پارێزگادا، پێشوازیکرد لە بەڕێز دارەوان حاجی حامید نوێنەری حکومەتی هەرێمی کوردستان لە وڵاتی ئیسپانیا.

لە دیدارێکدا گفتوگۆ لەسەر پتەوکردنی پەیوەندییە کلتوریی و ئابوریی و زانکۆییەکانی نێوان هەرێمی کوردستان و وڵاتی ئیسپانیا کرا.

پارێزگاری سلێمانی پێزانینی خۆی لەپای کاری بەردەوام و لێبڕاوانە و پتەوکردنی پەیوەندیی نێوان شارەکانی هەرێمی کوردستان و ئیسپانیا و پورتوگال پێشکەش کردن.