پارێزگای سلێمانی

ئێوارەی دوێنێ (٢٠/٣/٢٠٢٥)، د.هەڤاڵ ئەبوبەکر پارێزگاری سلێمانی لە ئامەد، پارکی نەورۆز، بەئامادەبوونی بەڕێزان هاوسەرۆکانی گشتیی دەم پارتیی؛ خاتوو تۆڵای هاتیمۆغڵڵاری و تونجەر باکیرهان و، هاوسەرۆکانی شارەوانیی ئامەدی مەزن و ئەندامانی پەرلەمانی تورکیاو هاوسەرۆک و ئەندامانی ئەنجومەنەکانی شارەوانیی و دبلۆمات و نوێنەری وڵاتە جیاجیاکانی ئەوروپاو وڵاتانی عەرەبیی و کوردانی باشورو ڕۆژهەڵات و ڕۆژئاواو باکور؛ بەشداریکرد لەمەراسیمی بەرزڕاگرتن و ئاگرکردنەوەی نەورۆزی ئازادییدا، پەیامی پیرۆزبایی جەژنی نەورۆزی پیرۆزی هەرێمی کوردستان و ڕەوەندی کوردیی و پارێزگای سلێمانی پێشکەشکردن.