به‌هۆی سه‌رپێچی كردن له مه‌رج و ڕێنماییه‌كانی كاركردن ، فڕنێكی سه‌موونخانه له خانه‌قای شاری سلێمانی داده‌خرێت و سه‌رۆكی لیژنه‌كه‌ش ڕایده‌گه‌یه‌نێت هه‌ر شوێنێك سه‌رپێچی ڕێنماییه‌كان بكات داده‌خرێت .
به‌روار محه‌مه‌د سه‌رۆكی لیژنه‌ی فڕن و نانه‌واخانه‌كانی سه‌ر به لیژنه هاوبه‌شه‌كانی قایمقامیه‌تی سلێمانی ووتی، ئه‌م شوێنی كاره مۆڵه‌ته‌كه‌ی بۆ سه‌موونخانه وه‌رگرتووه به‌ڵام كاره‌كه‌ی گۆڕیووه بۆ پیشه‌یه‌كی تر .
هه‌روه‌ها شوێنی كاره‌كه‌ی كردووه به شوێنی دروستكردنی كولیچه ئه‌مه‌ش ڕێگه پێنه‌دراوه ، بۆیه به فه‌رمانی قائیمقامی سلێمانی له‌لایه‌ن لیژنه هاوبه‌شه‌كانه‌وه داده‌خرێت .
ووتیشی:" به پێ ی ڕێنماییه‌كان هه‌ر كه‌سێك مۆله‌ت بۆ هه‌ر پیشه‌یه‌ك ده‌ربكات پێویسته ئه‌و پیشه‌یه ئه‌نجام بدات ، له حاڵه‌تی گۆڕینی كاریشدا پێویسته ده‌زگا په‌یوه‌ندیداره‌كانی لێ ئاگادار بكاته‌وه.
