پارێزگاری سلێمانی پێشوازیی لە نوسەرێك ‌و هونەرمەندێك دەكات كە خزمەتێكی زۆریان بە بوارەكانی ئەدەب ‌و هونەر كردوە.
ڕۆژی یەكشەممە 8/12/2019، د. هەڤاڵ ئەبوبەكر پارێزگاری سلێمانی لە دیوانی پارێزگادا پێشوازیی كرد لە بەڕێز نووسەری كوردی دانیشتوی وڵاتی بەریتانیا (یاسین عەزیز)، لە دیدارێكدا گفتوگۆ لەسەر كار و بەرهەم و چالاكییەكانی بەڕێزیان كرا و پارێزگاری سلێمانی پشتیوانیی خۆی بۆ بەرهەمە نوێكانی بەڕێزیان دەربڕی.
مامۆستا یاسین عەزیز یەكێكە لەو نووسەرە كوردانەی كە بە هەردوو زمانی كوردی و ئینگلیزیی بەرهەمەكانی بڵاودەكاتەوە و بە یەكێك لە نوسەرانی ئێوارانی لەندەن ناسراوە.
دواتر بەڕێز پارێزگاری سلێمانی پێشوازیی كرد لە هونەرمەندی بەڕێز ڕۆستەم ئاغالە، لە دیدارێكدا گفتوگۆ لەسەر كار و بەرهەم و چالاكییە نوێكانی بەڕێزیان كرا.
پارێزگاری سلێمانی سوپاس و پشتیوانیی پارێزگای بۆ دووپاتكردەوە و بڕیاریدا پشتیوانیی هەردوو شاكاری بەهرەمەندانەی بەڕێزیان (نیگارەكانی شاماران) و (ئێمە كاكەیین) بكات، كە بەشێكی دیارن لە ناسنامە و ڕەسەنایەتی كوردستان و مرۆڤایەتی و هیوای سەركەوتنی بەردەوامی بۆ بەڕێزیان خواست.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber