بەدواداچوونى مامەڵەكەت

ژمارەى نوسراوى پارێزگا

پن كۆد

هەڵسەنگاندن بۆ لێكتێگەیشتننامەی سلێمانی و كوردستان دەكرێت


پارێزگاری سلێمانی هاوڕێ‌ لەگەڵ بەرپرسانی ئیداریی پارێزگای كوردستانی كۆماری ئیسلامیی ئێراندا هەڵسەنگاندن بۆ جێبەجێكردنی بەندەكانی لێكتێگەیشتننامەی هاوبەشی نێوان هەردوو پارێزگای سلێمانی و كوردستان دەكات.
ڕۆژی دووشەممە 24/5/2021، د. هەڤاڵ ئەبوبەكر پارێزگاری سلێمانی، لە چوارچێوەی سەردانە فەرمییەكەیدا بۆ كۆماری ئیسلامیی ئێران، هاوڕێ لەگەڵ بەڕێز كونسوڵی كۆماری ئیسلامیی ئێران لە سلێمانی؛ سەردانی شاری سنەیان كرد و لەلایەن بەڕێزان پارێزگاری كوردستان و جێگر و یاریدەدەرانی پارێزگارەوە پێشوازیی لێكرا.
دواتر لە دیوانی پارێزگای كوردستاندا؛ هاوڕێ لەگەڵ بەڕێزان پارێزگاری كوردستان و كونسوڵی ئێراندا؛ بەشدارییكرد لە كۆبونەوەیەكی تایبەت بە هەڵسەنگاندنی بەندەكانی لێكتێگەیشتننامەی هاوبەشی نێوان پارێزگاكانی سلێمانی و كوردستان.
لەم كۆبونەوەیەدا كە بەڕێزان جێگر و یاریدەدەر و فەرماندار و سەرۆكی زانكۆی كوردستان و سەرۆكی ژوری پیشەسازیی و بازرگانیی سنە و سەرۆكی شارەوانی سنە و هەموو بەڕێوەبەرە گشتییەكانی سەرجەم فەرمانگەكانی پارێزگای كوردستان ئامادەی بوون؛ بە وردیی گفتوگۆ لەسەر بەندەكانی لێكتێگەیشتننامەكە و پتەوكردنی پەیوەندییە بازرگانیی و ئابوریی و پیشەسازیی و كەلتوریی و كشتوكاڵیی و گەشتیارییەكانی هەردوولا كران، بە تایبەتیی لەم دۆخەدا كە كۆرۆنا هێناویەتیە كایەوە.
پارێزگاری سلێمانی خەڵاتی پارێزگای سلێمانیی پێشكەش بە بەڕێز ئەندازیار بەهمەن مورادنیا كرد، لە بەرامبەر هەماهەنگیی بەردەوامی لەگەڵ پارێزگای سلێمانیدا و ڕۆڵی شایستە و دیاری لە وەرگرتنی نازناوی شاری داهێنەری مۆسیقا لە یونسكۆ و ڕاكێشانی هێڵی شەمەندەفەر لە هەمەدانەوە بۆ سنە و مەریوان و باشماخ و كردنەوەی ڕێگای نوێی نێوان سنە و مەریوان كە ماوەكەی بۆ یەك سەعات كەمدەكاتەوە، هەروەها كردنەوەی فڕۆكەخانەی سەقز و كردنەوەی ناوچەی بازرگانیی و پیشەسازیی لە بانە و كردنەوەی شەقامی سەردەمیانەی پیادەڕەویی لە ناوەندی شاری سنەدا و كردنەوەی پردی هەڵواسراو لە سەر ئاوێیەر و ...تاد.
بەڕێزان پارێزگاری كوردستان و ئامادەبوانی كۆبونەوەكە سوپاس و پێزانینی خۆیان بۆ هەوڵەكانی پارێزگاری سلێمانی و حكومەتی خۆجێیی سلێمانی و حكومەتی هەرێمی كوردستان دەربڕی لەبەرامبەر شیاوانە ئیدارەدانی كۆرۆنا و بەهێزكردنی جوڵە و ئاڵوگۆڕە بازرگانییەكان لە دەروازەكاندا و هەماهەنگیكردنیان لە پڕۆژەكانی وەبەرهێنان و پیشەسازیی لەو وڵاتەدا.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe


هه‌واڵی زیاتر

هه‌واڵه‌كان

جێگری پارێزگاری سلێمانی خەڵاتی پێشەنگی ئاشتی پێبەخشرا
2024-02-08
وەزارەتی ناوخۆ بڕیاری لێخۆشبوون لەسزای دواكەوتنی گواستنەوەی خاوەندارێتی ئۆتۆمبێل دەردەكات
2024-02-07
رێكاری پێویست بۆ پرۆژەی هەژماری من لەسنووری پارێزگای سلێمانی دیاریدەكرێت
2024-01-24
پارێزگاری سلێمانی پێشوازی لەكونسوڵی گشتیی كۆریای باشوور دەكات
2024-01-24
پارێزگاری سلێمانی: سەركۆنەی هێرشەكانی سەر هەولێری پایتەخت دەكەین
2024-01-16
د.هەڤاڵ ئەبوبەكر بۆ دەستەیەك گەنجی ئەكادیمی: هاوكارو پشتیوانتان دەبین
2024-01-05
د.هەڤاڵ ئەبوبەکر: پێویستە هەمووان پشتیوان و هاوکاری دادگاو دامەزراوە دادییەکان بن
2024-01-02
گەورەتـریـن بـازاڕی شار لەپێشانگای نێودەوڵەتیی سلێمانی کرایەوەو دە رۆژ بەردەوامدەبێت 
2023-12-21
ژمارەیەك ژینگەپارێزو كرێكارو باخەوان خەڵاتی رێزلێنانیان پێدەبەخشرێت
2023-12-17
پارێزگای سلێمانی... رۆژی ئاڵا بەرز رادەگیرێت
2023-12-17
پێنجەمین پێشانگای نێودەوڵەتی كتێب لەسلێمانی پێنج سەد هەزار ناونیشانی لەخۆگرتووە
2023-11-25
له‌سلێمانی پێنجه‌مین پێشانگای كتێب ده‌كرێته‌وه‌
2023-11-22
پارێزگاری سلێمانی پرۆژەی دیوارەی بەردەوانیی سلێمانی دەكاتەوە
2023-11-18
یادی 239ساڵه‌ی دروستكردنی سلێمانی به‌رز ڕاده‌گیرێت
2023-11-14