وەفدێكی ئەمنیی ‌و هەڵبژاردنەكانی عێراق سەردانی سلێمانی دەكات ‌و لەگەڵ پارێزگار ‌و بەرپرسانی پەیوەندیدار گفتوگۆ لە بارەی ئامادەكارییەكانی هەڵبژاردنەكانی عێراق دەكەن.
ڕۆژی پێنجەشەممە 10/6/2021، د. هەڤاڵ ئەبوبەكر پارێزگاری سلێمانی پێشوازیی كرد لە بەڕێزان فەریق ڕوكن عەبدولكەریم عەبود ئەلتەمیمی فەرماندەی هێزەكانی نەهێشتنی تیرۆر و جێگری سەرۆكی لیژنەی باڵای ئەمنیی هەڵبژاردنەكانی عێراق و دادوەر عامر موسا ئەندامی كۆمسیۆنی باڵای سەربەخۆی هەڵبژاردنەكانی عێراق و ئەندامی لیژنەی باڵای ئەمنیی عێراق و وەفدی هاوڕێیان، كە بەمەبەستی ئامادەكاریی بۆ هەڵبژاردنەكانی عێراق سەردانی سلێمانییان كرد.
لە میانی كۆبوونەوەیەكدا كە لە دیوانی پارێزگا بە ئامادەبوونی بەڕێزان لیوا عەبدولخالق تەڵعەت نوێنەری هەرێمی كوردستان لە لیژنەی باڵای ئەمنیی هەڵبژاردنەكان و بەڕێوەبەرانی ئاسایش و پۆلیس و بەرگریی شارستانیی و پەروەردەی سلێمانی و نوسینگەی سلێمانیی كۆمسیۆنی باڵای هەڵبژاردنەكانی عێراق بەڕێوەچوو، گفتوگۆ كرا لە بارەی پلانی ئەمنیی و چۆنێتی پاراستنی كاندیدەكان و دەنگدەران و پێداویستیی و ئامادەكارییەكانی هەڵبژاردنی ئەنجومەنی نوێنەرانی عێراق، كە بڕیارە لە چەند مانگی داهاتوودا بەڕێوەبچێت.
وەفدی میوان سوپاسی پارێزگاری سلێمانی و فەرمانگەكانی حكومەتی خۆجێیی سلێمانییان كرد بۆ هەماهەنگیی و ئامادەكارییەكانیان و پشتیوانیكردنیان لە سەرخستنی هەڵبژاردنەكان بە شێوەیەكی ئارام و پاك و بێگەرد و هاوسەنگ و بێلایەنانە.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe