بەدواداچوونى مامەڵەكەت

ژمارەى نوسراوى پارێزگا

پن كۆد

جێگری پارێزگار وەكو سەرۆكی شارەوانی دەستبەكار بوو


جێگری پارێزگاری سلێمانی بۆ كاروباری كارگێڕیی ماڵئاوایی كرد ‌و وەكو سەرۆكی شارەوانیی سلێمانی دەستبەكار بوو، پارێزگاری سلێمانیش پیرۆزبایی لێدەكات ‌و بە هەنگاوێكی ئەرێنیی لەقەڵەم دەدات.
رۆژی چوارشەممە 9-2-2022  خاتوو (لەیلا عومەر) وەكو جێگری پارێزگاری سلێمانی بۆ كاروباری كارگێڕیی رێكارە كارگێڕییەكانی تەواو كرد، بۆ ئەوەی لە پۆستێكی نوێدا وەكو سەرۆكی شارەوانیی سلێمانی دەستبەكار بێت، بۆ ماڵئاواییش سەردانی پارێزگاری سلێمانیی كرد.
د. هەڤاڵ ئەبوبەكر پارێزگاری سلێمانی، لە دیوانی پارێزگادا، پێشوازییكرد لە بەڕێز خاتوو لەیلا عومەر عەلی، سەرۆكی نوێی شارەوانیی سلێمانی، لە دیدارێكدا پارێزگاری سلێمانی پێزانینی خۆی لە بەرامبەر كارو هەوڵە دڵسۆزانەكانی بەڕێزیان وەك جێگری پارێزگاری سلێمانی دەربڕی و پیرۆزبایی و پشتیوانیی پارێزگای سلێمانیشی بۆ كارە نوێكانیان دووپاتكردەوە، بە ئومێدی ئەوەی بە هەموو لایەك بتوانن زۆرترین و باشترین خزمەتی هاووڵاتیان بكەن.
سەرۆكی نوێی شارەوانیی سلێمانی سوپاسی پارێزگار ‌و پارێزگای سلێمانیی كرد، كە لە ماوەی رابردوودا وەكو تیمێك كاریان بۆ خزمەتكردنی هاووڵاتیان كردووە ‌و جەختیشی كردەوە، لە ئەركە نوێیەكەیدا بە هەمان گیانی بەرپرسیارانەوە مامەڵە بكات لە پێناو خزمەتی گشتی.
لای خۆیەوە پارێزگاری سلێمانی خۆشحاڵیی خۆی بۆ وەرگرتنی ئەو پۆستە لەلایەن ژنێكی چالاكەوە دەربڕی و بەهەنگاوێكی ڕاست و ئەرێنیی باسكرد، كە بەڕێزیان وەك یەكەم ژن سەرۆكایەتیی شارەوانیی سلێمانی وەردەگرن.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe


هه‌واڵی زیاتر