کەمپینی پاراستنی دارودرەخت و پارکەکانی شار راگەیەنرا
بە سەرپەرشتی د.ئاسۆ فەرەیدوون پارێزگاری سلێمانی و ژمارەیەک لە بەرپرسانی حکومی و حزبی کەمپینێک بۆ پاراستنی دارودرەخت و پارکەکانی شاری سلێمانی راگەیەنرا
پاش نیوەرۆی ئەمڕۆ 16-7-2016 لە پارکی ئازادی کەمپینی پاراستنی دارودرەخت و پارکەکانی شار راگەیەنرا
ئامانج لە راگەیاندنی کەمپینەکە ئەوەیە کە هاوڵاتیان هاوكاری‌ به‌ڕێوه‌به‌رایه‌تی باخچەکانی سلێمانی بكه‌ن له‌ ئاودان و پاك ڕاگرتن و پاراستنی‌ باخچه‌ و سه‌وزاییه‌كانی شار
لە راگەیەنراوێکدا کە بەرێوبەرایەتی باخچەکانی سلێمانی بڵاویان کردۆتەوە هاتووە
بە هۆکاری کێشەی ئابوری لەم چەند ساڵەی رابردوودا زیان بە سەوزایی و باخچەکانی شارەکەمان کەوتوە بۆیە لەسەر هاوڵاتیان پێویستە هاوکاری بەرێوبەرایەتیەکەمان بن لە ئاودان و پاک راگرتن و پاراستنی باخچەو سەوزاییەکان
بۆزیادکردنی رێژەی سەوزایی و رێزگرتن لە ماندووبونی باخەوانەکان و کارمەندانمان با هەوڵاتیان بە ئەمەک بن بەرامبەر ئەو کرێکارە ماندوو نەناسانە
د.ئاسۆ فەرەیدوون پارێزگاری سلێمانی لە میانی کۆنگرەیەکی رۆژنامەوانیدا کە بۆ ئەو مەبەستە رێکخرابوو رایگەیاند
چاوەڕێ دەكەین خەمخۆرانی شاری سلێمانی و سەرمایەداران بەدەم ئەو كەمپینەوە بێن و هاوكاری بۆ سەوزایی و نەفەوتانی دارودرەختی شارەكە بكەن
هەر لەو کۆنگرە رۆژنامەوانیەدا کامەران حمە ساڵح بەرێوبەری باخچەکانی سلێمانی رایگەیاند

ژمارەی باخچەكان لەسنوری شاری سلێمانی 534 باخچەیە و هاوكات 385 بلوار بونیان هەیە لەماوەی ڕابردوشدا نزیكەی ملیۆنێك و 300 هەزار دار و گوڵ ڕوێندراون و بەردەوام پێویستیان بە خزمەت و ئاودان هەیە
بریارە کەمپینی پاراستنی دارودرەخت و پارکەکانی شار ماوەی 10 ڕۆژ بخایەنێت کە لەناو پارکی ئازادی سلێمانی بەرێوەدەچێت