شاری سلێمانی، لەسەرەتای دروستبوونییەوە شاری پێكەوەژیانی ئایین و مەزهەبە جیاوازەكان و شوێنكەوتوانی ڕێباز و تەكیە و خانەقا و تەریقەت و پەرستگاكان و چەندین كەسایەتیی و دەزگای ئایینیی نێودەوڵەتیی بووە ‌و بەردەوام فراوانبوونی زیاتر بەخۆوە دەبینێت.
سەرباری نوێبوونەوە و بەرەوپێشچوونی خزمەتگوزاریی نێو پەرستگا و شوێنە ئایینییەكان و مەزار ‌و شوێنەوارە دێرینەكان، لەڕووی ژمارەشەوە بەگوێرەی داتاكانی بەڕێوەبەرایەتیی ئاماری سلێمانی، ساڵی 2021 ناوەندە ئایینییەكان فراوانبوونێكی بەرچاویان بەخۆوە بینیوە.
بەگوێرەی ئەو ئامارانەی كە ئەنجامدراون، بۆ ساڵی 2021 ناوەندە ئایینییەكان و پەرستگا ‌و مزگەوت ‌و تەكیەكان بەمشێوەیە لە سلێمانی دابەش بوون:
ژمارەی مزگەوتەكان: (1.765) مزگەوت.
ژمارەی كڵێساكان: لە ساڵی 1991دا تەنها (1) كڵێسا هەبووە، بەڵام بۆ ساڵی 2021 ئەو ژمارەیە بەرزبووەتەوە بۆ (4) كڵێسا و لقی كەنیسەی ئەمریكیی بەناوبانگ (The Church of Jesus Christ of Latter-Day Saints)  لە سلێمانییە.
ژمارەی تەكیەكان: (50).
ژمارەی مەزارە ئایینییەكان: (53).
ژمارەی حوجرە و ناوەندەكانی فێربوون ‌و لەبەركردنی قورئان: (39).
وتارخوێنانی هەینی (٥٠٤) وتارخوێن، بێجگە لەوەش هەزاران مامۆستای ئایینی ‌و كەسایەتی ‌و كارمەند، سەرپەرشتیی و خزمەتی ناوەندە ئایینییەكانی سلێمانی دەكەن.
ئێستا لە پارێزگای سلێمانی، چەندین تەكیە ‌و مەزاری ئایینی ‌و پەرستگا و مزگەوت رۆژانە بوونەتە ناوەندی گردبوونەوەی شوێنكەوتوانی ئایین ‌و مەزهەبە جیاوازەكان ‌و پەرستشیان تێدا ئەنجام دەدرێت، لە كاتی بەڕێوەچوونی بۆنە ‌و سروتە ئایینییەكانیشدا، شوێنكەوتوانی ئایین ‌و مەزهەبە جیاوازەكان پێكەوە بەشداریی بۆنەكان دەكەن ‌و ناوەندە ئایینییەكان بوونەتە شوێنی پێكەوەژیانی ئاشتییانە.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe