كۆنفرانسێكی نێودەوڵەتی لە سلێمانی بەڕێوەدەچێت، كە تایبەت دەبێت بە هەڵسەنگاندنی پێشبینیی و مەترسییەكانی پرسی ئاو لە عێراق ‌و هەرێمی كوردستان.
ڕۆژی یەكشەممە 2/10/2022، د. هەڤاڵ ئەبوبەكر پارێزگاری سلێمانی، بەئامادەبوونی بەڕێزان مهدی رشید الحمدانی وەزیری سەرچاوە ئاوییەكانی حكومەتی ئیتحادیی و بێگەرد تاڵەبانی وەزیری كشتوكاڵ و سەرچاوە ئاوییەكانی حكومەتی هەرێمی كوردستان، بەشدارییكرد لە كۆنفرانسی نێودەوڵەتیی زانكۆی كۆمار بۆ زانست و تەكنۆلۆژیا، كە تایبەت بوو بە سەرچاوەكانی ئاو لە عێراق: پێشبینیی و مەترسییەكان.
لە میانی دەستپێكی كۆنفرانسەكەدا، كە لەژێر چاودێری وەزارەتی خوێندنی باڵا و توێژینەوەی زانستیی حكومەتی هەرێمی كوردستاندا ڕێكخرابوو، چەندین بەرپرسی حكومیی ‌و پسپۆڕان ‌و ژینگەدۆستان زیاتر لە دووسەد توێژەری ناوخۆیی و نێودەوڵەتی لە وڵاتانەوە بەشدار بوون، تێیدا چەندین توێژینەوەی زانستیی ڕەسەن پێشكەش كران و پێشبینیی و مەترسییەكان خرانە ڕوو.
كۆنفرانسی ئاو رۆژانی یەكشەممە و دووشەممە  2 و 3 ی تشرینی یەكەمی 2022 لە كەمپی زانكۆی كۆمار لە سلێمانی بەڕێوەچوو، رۆژی سێهەمیش گەشتێكی یەك ڕۆژە بوو بۆ بەنداوی دوكان،  كۆنفرانسەكە لە حەوت دانیشتن پێكهاتبوو، زیاد لە حەفتا توێژینەوەی پەیوەست بە تەوەری كۆنفرانسەكەی لەخۆ گرتبوو، لەنێویاندا پارێزگاكانی عێراق، مالیزیا، سوید، ئەمریكا و ئوسترالیا.

بۆ زانیاریی زیاتر لەبارەی كارو چالاكییەكانی پارێزگای سلێمانی، دەتوانن لەتۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe