بڕیارە ئاژانسی نەتەوە یەكگرتووەكان بۆ كۆچ (IOM) هاوكاریی ئاوەدانكردنەوەی زیاتری پارێزگای سلێمانی بكات و بۆ ئەو مەبەستەش چەند پرۆژەیەكی خزمەتگوزاریی جێبەجێ بكات.
قائیمقامیەتی مەڵبەندی سلێمانی لە ڕاگەیەندراوێكیدا ئاماژەی بەوەكردووە، ئاژانسی نەتەوەیەكگرتووەكان بۆ كۆچ پلانی هەیە، ژمارەیەك پرۆژەی خزمەتگوزاریی لە سنوری پارێزگای سلێمانی جێبەجێ بكات و بۆ ئەو مەبەستەش كۆبوونەوەیەك لە دیوانی قائیمقامیەت بەڕێوەچووە.
لە كۆبونەوەیەكی نێوان وەفدی رێكخراوەكە و قائیمقامی سلێمانی، كە بەڕێوبەری ناحیەی بەكرەجۆ و نوێنەری ئەنجومەنی پارێزگای سلێمانی و فەرمانگە خزمەتگوزارییەكانی سلێمانی ئامادەیبوون، گفتوگۆكراوە لەبارەی ئەو پرۆژە خزمەتگوزارییانە، كە لە ئێستادا پێویستن لە سلێمانی كاریان لەسەر بكرێت و خزمەتی هاووڵاتیان بكەن.
لێپرسراوی نوسینگەی سلێمانی ئاژانسی نەتەوەیەكگرتووەكان بۆ كۆچ (IOM) باسی لەوەكردووە، سەرەڕای پرۆژەكانی هەلی كار و دەستگیرۆیی پرۆژەی بچوك، پلانیان هەیە لەمساڵدا ژمارەیەكی زیاتر پرۆژەی خزمەتگوزاریی لەسنوری سلێمانی بەتایبەت لە بوارەكانی پەروەردە و ئاو و ئاوەڕۆ و ڕێگاوبان و تەندروستیدا ئەنجام بدەن، بۆ ئەو مەبەستەش ڕاوێژ لەگەڵ لێپرسراوانی سلێمانی دەكەن.
بەگوێرەی زانیارییەكان، لە چەند ساڵی ڕابردوودا رێكخراوی (IOM) بە بودجەی زیاتر لە (٢) ملیۆن و (٦٠٠) هەزار دۆلار چەندین پرۆژەی خزمەتگوزاریی لە سلێمانی جێبەجێكردووە و هەلی كاری بۆ سەدان كەس ڕەخساندووە، بۆ ئەمساڵیش دەیەوێت پرۆژەكانی زیاتر پەرەپێبدات و خزمەتی زیاتری سلێمانی بكات.
بۆ زانیاریی زیاتر لە بارەی كار و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن و نوێترین هەواڵ و زانیاریتان بەدەست بگات، بەم ئەدرەسانەی خوارەوە:
https://twitter.com/SlemaniGov
https://www.linkedin.com/company/30141235/admin/
https://www.facebook.com/slemanigov/
https://www.instagram.com/slemani_governorate/
.jpg)
