بەدواداچوونى مامەڵەكەت

ژمارەى نوسراوى پارێزگا

پن كۆد

پەروەردەی كوردستان بەشداریی لە هەڵسەنگاندنێكی نێودەوڵەتیدا دەكات


هەرێمی كوردستان بۆ یەكەمجار و بە شێوەیەكی سەركەوتووانە، بەشداریی لە هەڵسەنگاندنی تیمسی نێودەوڵەتیدا دەكات، كە لە یەك كاتدا لە 66 دەوڵەتی جیهاندا بەڕێوەدەچێت.
ڕۆژی یەكشەممە 16/4/2023، هەڵسەنگاندنی تیمسی نێودەوڵەتی لە (166) قوتابخانە لە سەرتاسەری هەرێمی كوردستان ئەنجامدرا ‌و بەڕێوەبەری گشتیی پەروەردەی سلێمانی بە یاوەریی ژمارەیەك بەرپرسی پەروەردە، سەردانی هۆڵی هەڵسەنگاندنی تیمسی نێودەوڵەتییان كرد، كە لە قوتابخانەی رەئوفی عەلی ئەفەندی بنەڕەتی بەڕێوەچوو.
بەگوێرەی راگەیەنراوێكی پەروەردەی سلێمانی، هەڵسەنگاندنەكە لە قوتابخانەكانی سنوری بەڕێوەبەرایەتیی گشتیی پەروەردەی سلێمانی بەسەركەوتوویی ئەنجامدراوە، كە لە هەمان كاتدا لە زیاتر لە 66 دەوڵەتدا هەمان پرۆسە بەڕێوەچووە، پەروەدەی هەرێمی كوردستان‌ بۆ یەكەمجارە بەشداریی لە هەڵسەنگاندنی تیمس (TIMSS)دا دەكات.
هەڵسەنگاندنی ( تیمس - TIMSS) چییە؟
كۆمەڵەی نێودەوڵەتی بۆ هەڵسەنگاندنی دەستكەوتە پەروەردەییەكان كە بە (IAE) ناسراوە ‌و كۆمەڵەیەكی سەربەخۆیە و ئۆفیسی سەرەكیی لە هۆڵەندایە، لە ساڵی 1995وە هەر چوار ساڵ جارێك هەڵسەنگاندنێكی گشتگیر ئەنجامدەدات، تیایدا ئاراستە جیهانییەكان سەبارەت بە پرۆگرامی بیركاری و زانست هەڵدەسەنگێنن، وەك پێوەرێك بۆ دیاریكردنی ئاستی سیستمی پەروەردە و فێركاری، تیمس هاوكاری بڕیاربەدەستان و مامۆستایان دەبێت سەبارەت بەكارایی شێوازەكانی فێربوون و ژینگەی فێركاری.
تیمس یەكێكە لە پێشكەوتوترین هەڵسەنگاندنەكان ‌و هەرێمی كوردستانیش یەكەمجارە بەشدار دەبێت و رۆژانی (15 هەتا 17)ی ئەم مانگە لە پرۆسەكەدا (4503) قوتابی بەشدار بوون، هاوكات (166) بەڕێوەبەر و (166) بەڕێوەبەری هەڵسەنگاندن و (166) راپرسیی قوتابخانە و (332) راپرسیی مامۆستایانی بیركاری و زانست و  (332) مامۆستای چاودێر، كە پسپۆڕییان بیركاری و زانست نەبووە بەشدار بوون، هەروەها (4503) خێزان بەشدار بوون لە ڕاپرسیی دایكان و باوكاندا، هەموو ئەو ناوەندانەی خوێندن و داتایانەش هیچیان وەزارەتی پەروەردە دەستنیشانی نەكردون، بەڵكو وەزارەت تەنها داتای ناوی قوتابخانەكانی خستوەتەتە بەر دەست لایەنی تایبەتمەندی دەرەكی و ئەوان بڕیاریانداوە، لە چ قوتابخانەیەك ئەو هەڵسەنگاندنانە دەكەن.
بۆ یەكەمجارە هەرێمی كوردستان بەكۆدی (KRD) بەشدارە لە پرۆسەیەكی گرنگی هەڵسەنگاندنی نێودەوڵەتیدا، كە چەندین وڵات لە كیشوەركانی ئەوروپا ‌و ئەمریكا و ئاسیا ‌و ئەفریقیا بەشدارن و گرنگیی پێدەدەن، بڕیاریشە مانگی دیسەمبەری ساڵی داهاتوو راپۆرتی دەرئەنجامی هەڵسەنگاندنەكان ڕابگەیەنرێت و بدرێنەوە بە بەشداربوان.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

youtube.com/@slemanigov


هه‌واڵی زیاتر

هه‌واڵه‌كان

پارێزگاری سلێمانی: هەموومان هاوکاربین لەوەی تاوان و هەڵەکان دووبارە نەبنەوە
2024-03-17
جێگری پارێزگاری سلێمانی خەڵاتی پێشەنگی ئاشتی پێبەخشرا
2024-02-08
وەزارەتی ناوخۆ بڕیاری لێخۆشبوون لەسزای دواكەوتنی گواستنەوەی خاوەندارێتی ئۆتۆمبێل دەردەكات
2024-02-07
رێكاری پێویست بۆ پرۆژەی هەژماری من لەسنووری پارێزگای سلێمانی دیاریدەكرێت
2024-01-24
پارێزگاری سلێمانی پێشوازی لەكونسوڵی گشتیی كۆریای باشوور دەكات
2024-01-24
پارێزگاری سلێمانی: سەركۆنەی هێرشەكانی سەر هەولێری پایتەخت دەكەین
2024-01-16
د.هەڤاڵ ئەبوبەكر بۆ دەستەیەك گەنجی ئەكادیمی: هاوكارو پشتیوانتان دەبین
2024-01-05
د.هەڤاڵ ئەبوبەکر: پێویستە هەمووان پشتیوان و هاوکاری دادگاو دامەزراوە دادییەکان بن
2024-01-02
گەورەتـریـن بـازاڕی شار لەپێشانگای نێودەوڵەتیی سلێمانی کرایەوەو دە رۆژ بەردەوامدەبێت 
2023-12-21
ژمارەیەك ژینگەپارێزو كرێكارو باخەوان خەڵاتی رێزلێنانیان پێدەبەخشرێت
2023-12-17
پارێزگای سلێمانی... رۆژی ئاڵا بەرز رادەگیرێت
2023-12-17
پێنجەمین پێشانگای نێودەوڵەتی كتێب لەسلێمانی پێنج سەد هەزار ناونیشانی لەخۆگرتووە
2023-11-25
له‌سلێمانی پێنجه‌مین پێشانگای كتێب ده‌كرێته‌وه‌
2023-11-22
پارێزگاری سلێمانی پرۆژەی دیوارەی بەردەوانیی سلێمانی دەكاتەوە
2023-11-18