پڕۆژەكانی یەكتربڕی باخی بەختیاری و ئەندەرپاسی فاروق، كە دوو پڕۆژەی گرنگی شاری سلێمانین، لە بواری جێبەجێكردندان و بەشێكی زۆری كارەكانیان تەواو بوون.
زەردەشت ڕەفیق، بەڕێوەبەری ڕاگەیاندنی سەرۆكایەتیی شارەوانیی سلێمانی، بە سایتی پارێزگای سلێمانی ڕاگەیاند: كاركردن لە هەردوو پڕۆژەی یەكتربڕی باخی بەختیاری و یەكتربڕی فاروق بەردەوامە.
وتیشی ماوەی تەواوكردنی پڕۆژەكان ساڵێكی كاردنی بەردەوامە، كە هەندێك جار شەو و ڕۆژ كاریان تێدا دەكرێت، بۆ ئەوەی بە زووترین كات بخرێنە خزمەتی هاووڵاتیان و لۆدی سەر شەقامە سەرەكییەكان كەم ببێتەوە.
ئاماژەی بەوەشدا، هەردوو پڕۆژەكە سەرۆكایەتیی شارەوانیی سلێمانی سەرپەرشتییان دەكات و بەشێوەیەكی مۆدێرن تەواو دەكرێن.
پڕۆژەی یەكتربڕی باخی بەختیاری بە تێچووی دوانزە ملیار و پێنجسەد ملیۆن دیناری عێراقی، لەلایەن گرووپی كۆمپانیاكانی دەروازەی گەرمیانەوە جێبەجێ دەكرێت، پڕۆژەی ئەندەرپاسی فاروقیش، بە تێچووی حەوت ملیار و سێسەد و یەك ملیۆن و شانزە هەزار و حەوتسەد و نەوەد و یەك دینار، لەلایەن گرووپی فاروق بۆ وەبەرهێنانەوە جێبەجێ دەكرێت.
بۆ زانیاریی زیاتر لە بارەی كار و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن و نوێترین هەواڵ و زانیاریتان بەدەست بگات، بەم ئەدرەسانەی خوارەوە:
https://twitter.com/SlemaniGov
https://www.linkedin.com/company/30141235/admin/
https://www.facebook.com/slemanigov/
https://www.instagram.com/slemani_governorate/
