لە رۆژانی جەژنی قورباندا، زیاتر لە سەد هەزار گەشتیاری ناوخۆیی عێراق و بیانی، سەردانی ناوچە گەشتیارییەكانی سلێمانییان كردووە، بەرپرسێكی گەشتوگوزاریش دەڵێت: هاتنی گەشتیاران بۆ سلێمانی، بەراورد بە ساڵانی رابردوو بە رێژەی 20% زیادی كردووە.
گۆران قادر لێپرسراوی ڕاگەیاندن لە بەڕێوەبەرایەتیی گەشتوگوزاری سلێمانی ڕایگەیاند: لە ڕۆژانی جەژنی قوربانی ئەمساڵدا زیاتر لە 100 هەزار گەشتیار ڕوویان لە شاری سلێمانی و شوێنە گەشتیارییەكانی پارێزگاكە كردووە، بەمەبەستی بەسەربردنی كاتێكی خۆش.
وتیشی: گەشتیارەكان لە ڕێگەی فڕۆكەخانە و بازگەكانەوە سەردانی سلێمانییان كردووە و لەلایەن لیژنەی گەشتوگوزارەوە تۆمار كراون، كە لە بازگە و خاڵە سنورییەكان و فڕۆكەخانەدان.
بەرپرسەكەی گەشتوگوزار ئاماژەی بەوەشدا بەراورد بەساڵانی ڕابردوو، زیاتر لە 20 هەزار گەشتیار سەردانی ناوچە گەشتیارییەكانی سنوری پارێزگای سلێمانییان كردووە.
بەڕێوەبەرایەتیی گەشتوگوزاری سلێمانی، لە كاتی بۆنە و پشووەكاندا، ئامادەكاریی دەكات و لیژنەی سەرپەرشتیكردنی تایبەت بە گەشتیاران لە بازگە و فڕۆكەخانە و مەرزەكان دادەنرێن، میوانخانە و چێشتخانە و هۆتێل و مۆتێلەكان ئامادە دەكرێن، لەلایەن لیژنەكانەوە ڕێنمایی و ڕێبەری گەشتیاری دەدرێت بەو كەسانەی سەردانی سەیرانگە و ناوچە گەشتیارییەكان دەكەن.
بۆ زانیاریی زیاتر لە بارەی كار و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن و نوێترین هەواڵ و زانیاریتان بەدەست بگات، بەم ئەدرەسانەی خوارەوە:
https://twitter.com/SlemaniGov
https://www.linkedin.com/company/30141235/admin/
https://www.facebook.com/slemanigov/
https://www.instagram.com/slemani_governorate/
