له درێژهی كارو چاڵاكیهكانی لیژنه هاوبهشهكانی قایمقامیهتی سلێمانی بۆ سهنتهری مهساج و كافتریا و یانه شهوانهكانی شاری سلێمانی7 كافتریا و سهنتهری مهساج دادهخرێت و سهرۆكی لیژنه هاوبهشهكانیش ڕایدهگهیهنێت بۆ ماوهی 7 ڕۆژ ڕێگه به كاركردنیان نادرێت.
بهمهبهستی بهدواداچوون و چاودێریكردنیان شهوی ڕابردوو لیژنهی كافتریاو یانه شهوانهكان له شاری سلێمانی كۆمهڵێك سهردانیان بۆ چهند شوێنێكی جیاواز ئهنجامدا ،و له كاتی پشكنین و بهدواداچونهكانیان دا دهركهوت ههندێك لهو كافتریایانهی كه پێشتر ئاگادار كرابوونهوه پابهندی ڕێنماییهكان نهبوون بۆیه دهست بهجێ به بڕیاری قائیمقامی سلێمانی بۆ ماوهی 7 رۆژ داخران.
گۆران قادر له بارهی داخستنی شوێنهكانهوه ڕایگهیاند" به هۆی ڕێگهدان به كێشانی نێرگهلهو بۆ منداڵی نهوجهوان و خوار 18 ساڵ لهلایهن خاوهن كافتریاكانهوه و نهبوونی مۆڵهتی تهندروستی گهشت و گوزاری بووه ، و ههبوونی كێشه له كارتی نیشتهجێ بوونی كرێكاری بیانی و ههروهها نهبوونی پشكنینی ڤایرۆسی كارمهندهكان، بڕیاری داخستنیان درا تا ئهوه كاتهی پابهندی مهرج و ڕێنماییهكان دهبن.
سهرۆكی لیژنهكهی قایمقامیهت ئاماژهی بهوهشدا، به پێ ی ڕێنماییهكان ڕێگهدان به كێشانی نێرگهله بۆ منداڵی نهوجهوان و خوار تهمهن 18 ساڵ له لایهن خاوهن كافتریاكانهوه پێچهوانهی ڕێنمایهكانه و له كاتی دووبارهبوونهوهی ئهو حاڵهتهشدا ڕووبهڕووی سزایی یاسایی دهكرێنهوه.
.jpg)
