به هۆی نهبوونی مهرجهكانی سهلامهتی تێیاندا و ڕوودانی چهندین ڕووداوی دڵتهزێن بهكارهێنانی (یاری چوپی تایبهت به منداڵان) له سلێمانی قهدهغه دهكرێت و له سهرهتای ئهم ههفتهیه ههڵمهتی لابردنیان دهستی پێكردووه.
به ئامانجی پاراستنی سهلامهتی گیانی منداڵان و ڕێگری كردن له ڕووداوی نهخوازراو قائیمقامیهتی سلێمانی ڕایدهگهیهنێت پاش بهدواداچونی پێویست سهبارهت به شێوازی كاركردنی یاری چوپی تایبهت به منداڵان كه ئێستا له زۆربهی گهڕهك و شوێنه گشتیهكانی سلێمانیدا ههیه، لهسهر فهرمانی قائیمقامی سلێمانی بڕیاردرا ڕێگری له كاركردنی ههموو ئهو جۆره یارییانه بگرێت و لیژنهی سهلامهتی سهر به لیژنه هاوبهشهكانی قائیمقامیهتی سلێمانیش ڕاسپێردا خاوهنی یارییهكان ئاگادار بكرێتهوه و له زووترین كاتدا پابهند بن به لابردنیانهوه.
سهبارهت به بڕیاری لابردنی ئهو یارییانه كه تایبهته به منداڵان قائیمقامی سلێمانی ههموو لایهك ئاگادار دهكاتهوه مهبهست له بڕیارهكه بۆ پاراستنی بهرژهوهندی گشتی و پاراستنی گیانی منداڵان و ڕیگری كردنه له ڕووداوی نهخوازراو چونكه له ڕابردوودا چهندین حاڵهتی دڵتهزێن تۆمار كراوه كه به هۆی نهبوونی مهرجی سهلامهتی تێیاندا دهیان منداڵ بریندار بوون و سهدانی تریش ژیانیان ڕووبهڕووی مهترسی بووهتهوه، بهم دواییهش چهندین سكاڵا له دژی خاوهنی ئهو یارییانه له قائیمقامهیتی سلێمانی تۆمار كراوه، لهبهر ئهم هۆكارانه بڕیاری قهدهغه كردنی ئهو جۆره یارییه دراوه و لهم ههفتهیهوه له ههر شوێنێك یاری چوپی تایبهت به منداڵان بهدی بكرێت لادهبرێن و له ئهگهری پابهند نهبونیشیان خاوهنهكانیان ڕووبهڕووی سزای یاسایی دهكرێنهوه.
.jpg)
