دوای ئهوهی ڕۆژی دووی ئهم مانگه بهڕێوهبهرایهتی هاتووچۆی سلێمانی پسوڵهی سهرپێچی بۆ ژمارهیهكی زۆر له ئۆتۆمبێڵی خوێندكارانی زانكۆی سلێمانی كرد، خوێندكارانیش ئهمرۆ 11/8 دهستیان به خۆپیشاندان كرد و ڕێگهیان نهداوه هیچ مامۆستایهك ئۆتۆمبێلهكهی بباته ناو زانكۆ.
به گوێرهی خوێندكارانی خۆپیشاندهر ، مانگی ههشتی ئهمساڵ و پێش تاقیكردنهوهكانی خولی دووهم به بیانوی ئهوهی ناو حهوشهی زانكۆ قهرهباڵغ نهبێت، سهرۆكایهتی زانكو ڕێگهی نهداوه هیچ خوێندكارێك ئۆتۆمبێلهكهی بباته ناو زانكۆ.
خوێندكاران نیگهرانن له ووتهی سهرۆك بهش و سهرۆكایهتی زانكۆ كه ڕایانگهیاندووه ئاڕم تهنها بۆ فهرمانبهران و مامۆستایانی زانكۆ دروست دهكرێت نهك خوێندكاران.
ڕۆژی دووی ئهم مانگهش كاتێك ژمارهیهكی زۆر ئۆتۆمبێلی خوێندكاران لهسهر ڕاسته شهقامی (سلێمانی - ڕاپهرین) وهستێنرابوون له لایهن هاتووچۆوه پسۆڵهی سهرپێچیان بۆ كرا ، ئهوهش نیگهرانی و ناڕهزایی لێكهتهوه.
خوێندكاران دهڵێن : ناكرێت ئێمه ئۆتۆمبێلهكانمان له سهر جادهكان بێت و پسولهی سهرپێچیمان بۆ بكرێت و مامۆستا و فهرمانبهرانیش به ئارهزوی خۆیان ئۆتۆمبێل ببنه ژورهوه.
خوێندكاران زۆر لهوه نیگهرانن كه ئهو كارمهندانهی هاتووچۆ كه پسولهی سهرپێچیان بۆ كردوون پێیان ووتون له لایهن سهرۆك بهشهكان و مامۆستاكانهوه ئاگادار كراونهتهوه كه پسولهی سهرپێچی بۆ خوێندكاران بكرێت.
وهرگیراوه: SNN
.jpg)
