نوێترین ئاگاداری بۆ بینینی نوێترین ئاگادارییەكان و وردەكارییەكانیان كلیكی بەشی ئاگادارییەكان لە ماڵپەرەكەمان بكەن ‌


بەدواداچوونى مامەڵەكەت

ژمارەى نوسراوى پارێزگا

پن كۆد

بزاوتی شانۆ



لەپێشترین شانۆ لە سلێمانى ساڵى 1925-1926 لە سلێمانى بەناوى عیلم و جەهل لەلایەن قوتابخانەى زانستییەوە پێشكەش كرا.دەقى شانۆكە لە شانۆنامەیەكى عەرەبییەوە وەرگیرابوو، دواتر لە ساڵى 1932 شانۆیەكى كوردى پێشكەش كرا كە بەناوى خۆشەویستى نیشتیمانپەروەرى بوو، شانۆكە لە نوسینى مامۆستا ا.ب هەورى بوو ، ساڵى 1935 قوتابخانەى زانستى شانۆگەرى مەم و زینى پێشكەش كرد.
سالآنى 1937-1938 گەلێك شانۆ پێشكەش كرا، بەلآم بەهۆى شەرِى جیهانى دووەمەوە جولآنەوەى شانۆ لاواز بوو، تا جارێكى تر دواى  شەرِ شانۆ لە سلێمانى بوژایەوە.
ساڵى 1946 دوو شانۆگەرى پێشكەش كرا كە بریتى بوون لە: لەرێى نیشتیماندا دەقەكەى لە فەرەنسیەوە وەرگیرابوو، گوڵى خوێناوى لەنوسینى گۆرانى شاعیر پێشكەش كرا.
بەبۆنەى راپەرِینى 1948 شانۆگەرى كەرەلۆتى مەنووچەر لە نوسینى ئیبراهیم ئەحمەد و ئامادەكردنى ئەحمەد غەفور پێشكەش كرا.
جارێكى تر بەهۆى بارودۆخى رامیارى ئەو كاتە سالآنى 1948-1952 هیچ شانۆیەك پێشكەش نەكرا بەلآم دواى 1952 شانۆگەرى كڵۆڵەكان لە نوسینى ڤكتۆر هۆگۆ پێشكەش كرا.
ساڵى 1957 كۆمەڵەى هونەرە جوانەكان دامەزراو شانۆ لە قوتابخانەكانەوە هاتە دەرەوەو بووە سەرەتاى چەسپاندنى جولآنەوەى شانۆگەرى لە سلێمانى.
هەرچەندە بارودۆخى سیاسى و نەبوونى كادیرى تەواو نەهێشت ئەم كۆمەڵەیە ئەركەكانى بە تەواوى جێ‌ بەجێ‌ بكات، بەلآم رۆڵى گەورەى هەبوو لە پێگەیاندنى كادیرى شانۆ و نوسەرى شانۆ و هانى ژنانیشى دا روو لە شانۆ بكەن و چەند تیپێكى شانۆگەریشى پێگەیاند لەوانە: تیپى شۆرش، تیپى خەبات
ئەم كۆمەڵەیە لە ساڵى 1958-1963 ئەم كۆمەڵەیە داخرا.
رۆژى 4/2/1969 تیپى نواندنى سلێمانى و لە 31ى12ى1969 كۆمەڵەى هونەر و وێژەى كوردى و لە12ى7ى1973 تیپى پێشرِەوى شانۆ دامەزراو شانۆ لە سلێمانى لەرووى دەرهێنان و دەق و روناكى و دیكۆر و میكیاژەوە هەنگاوى زۆر چووە پێش.
لە سالآنى 1970 و 1980كان شانۆگەرى لە سلێمانى گەیشتە گەشاوەترین قۆناغى خۆیى و شانۆكاران ئەو ماوەیە بە ماوەى زێرینى شانۆ دادەنێن و گەلێك ئەكتەر و هونەرمەندى گەنج هاتنە ناو بوارەكەوەو نوسەرى خۆماڵى باش سەریان هەڵداو جەماوەرى شانۆ زیادى كرد بەجۆرێك هەر شانۆیەك لە مانگێك زیاتر نمایش دەكرا.
لەنیوەى دووەمى سەدەى رابردوو ئەم تیپە شانۆیانە لە سلێمانى هەبوون و مۆڵەتى رەسمیان هەبوو:
تیپى نواندنى سلێمانى 1969
كۆمەڵەى هونەرو وێژەى كوردى لقى سلێمانى 1969
تیپى پێشرِەو 1973
تیپە شانۆییەكانى سەر بە قوتابخانەكان
تیپى شانۆیى رۆشنبیرى جەماوەر
تیپى سەندیكاى كرێكاران
تیپى زانكۆ
تیپى مەڵبەندى گەنجان
لەشارى سلێمانى لەسەرەتاى دەركەوتنى شانۆ تا ساڵى 1958 ، 19 شانۆگەرى پێشكەش كراوە
لەساڵى 1959 تا 1969 ئەم شانۆیانە پێشكەش كراون:
تیپى شۆرش 5 شانۆگەرى، تیپى خەبات 4 شانۆ، تیپى قوتابخانەكان 2 شانۆ
لەساڵى 1969 تا ساڵى 1983 لەلایەن تیپە رێگەپێدراوەكانەوە 53 شانۆگەرى پێشكەش كراوە، لەوانە 9 دانەیان زیاتر لە جارێك نمایشكراون.
نوسەرانى شانۆگەرى لە سلێمانى: ئەبوبەكر هەورى، ئەحمەد سالار، ئەحمەد دەنگ گەورە، ئەمین میرزا كەریم، تەها بابان، جەمال بابان، حسێن عارف، سمكۆ ناكام، شێركۆ بێكەس، عومەر عەلى ئەمین، عەلى توانا، عیزەت ئەحمەد ، فەتاح كەریم، كەمال دڵشاد، كەمال هەنجیرە، كاوس زەنگەنە، مەكى عەبدولآ، محەمەد سدیق مەحمود و چەند كەسى تر.
دەرهێنەرەكانى شانۆش لە سلێمانى بریتیى بوون لە:ئەحمەد سالار، ئەحمەد دەنگ گەورە، ئیسماعیل بەرزنجى، ئازاد حەمە بچكۆل، بورهان مەسرەف، تەها خەلیل، جەلیل زەنگەنە، جهاد دڵپاك، حەسەن تەنیا، رزگار كەریم، سمكۆ عەزیز، سەلآح چاوشین ، شەماڵ عەبدولآ رەش، شەفیق محەمەد، عومەر عەلى ئەمین، عبدول حەمە جوان، عوسمان چێوار، عومەر دڵپاك، فازل جاف، فەتاح كەریم، فازل قەساب، كەمال هەنجیرە، كەریم عوسمان، كەمال سابیر، كامەران رەوف، ماهیر رەشید حەسەن، محەمەد فەرەج، مەجید ئوتوچى، نەوزاد مەجید.
 


 ئه‌م بابه‌ته‌ 323 جار بینراوه‌

هه‌واڵی زیاتر