به‌ ئاماده‌بوونی خاتوو چیمه‌ن ساڵح نوێنه‌ری نوسینگه‌ی هاوبه‌شی هه‌ماهه‌نگی قه‌یرانه‌كانی سلێمانی (jcc)كۆبوونه‌وه‌یه‌كی هاوبه‌ش له‌نێوان نوسینگه‌و رێكخراوه‌كانی UNHCRو WHO به‌رێوه‌چوو

له‌ كۆبوونه‌وه‌كه‌دا چه‌ندین ته‌وه‌ر گفتوگۆیان له‌باره‌وه‌ كرا، له‌وانه‌ بڵاوبوونه‌وه‌ی ڤایرۆسی كۆرۆنا و چۆنێتی خۆپاراستن و رووبه‌روونه‌وه‌ی  له‌ كۆبوونه‌وه‌كه‌دا بابه‌خی ته‌واو درا به‌ هه‌ماهه‌نگی نێوان ده‌زگاكانی حكومه‌ت و رێكخراوه‌كان له‌سه‌ر ئه‌م مه‌سه‌له‌یه‌.

ته‌وه‌ره‌كانی تری كۆبوونه‌وه‌كه‌ تایبه‌ت بوون به‌ كه‌مپه‌كان و به‌رده‌وامی خزمه‌تگوزاری له‌ كه‌مپه‌كان و چۆنێتی وشیاركردنه‌وه‌و گرتنه‌به‌ری رێوشوێنی پێویست بۆ پاراستنی باری ته‌ندروستی ئاواره‌و په‌نابه‌ران له‌ كه‌مپه‌كاندا.