پارێزگای سلێمانی ئاگاداری ئەو هاووڵاتیانە دەكات كە زیادەڕەوییان كردووەتە سەر زەوییەكانی شارەوانی، چەند بەڵگەنامەیەك پێشكەش بە كاروباری یاسایی دیوانی پارێزگا بكەن بە مەبەستی تەملیككردنی زەوییەكانیان، ئەمەی خوارەوە دەقی ئاگادارییەكەیە:

ئاگاداری
سەبارەت بە جێبەجێكردنی بڕیاری ژمارە (٥)ی ساڵی (٢٠١٩)، كە تایبەتە بە خاوەنكردنی ئەو زەویانەی كە زیادەڕەوی كراوەتە سەر و بۆ زیاتر ڕاپەڕاندنی كاری هاوڵاتیان و جێبەجێكردنی مادەی (٢) بڕگەی (٣)ی بڕیاری سەرەوە، پێویستە زیادەڕەوكار ئەم بەڵگەنامانەی خوارەوە پێشكەش بە لیژنەكە بكات لە بەڕێوەبەرایەتی كاروباری یاسایی دیوانی پارێزگای سلێمانی:

١- باری شارستانی + رەگەزنامەی عێراقی یان كارتی نیشتمانی.
٢- پشتگیری ئاسایش + پشتگیری ئەنجومەنی گەڕەك.
٣- فۆڕمی خۆراك.
٤- پسوڵەی ئاو و كارەبا.
٥- قسام شەرعی ئەگەر زیادەڕەوكار وەفاتی كردبێ.
٦- لە یەك خانوو زیاتر داوا نەكات بۆ تەملیك كردن.
٧- پێویستە زیادەڕەوكار تەمەنی سەروو (١٨) ساڵ بێت.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber