بەدواداچوونى مامەڵەكەت

ژمارەى نوسراوى پارێزگا

پن كۆد

دۆكیۆمێنتەكانی مەلیكی كوردستان دەگەڕێنرێنەوە


پارێزگای سلێمانی پەیكەری گاندی لە هەواری شاری دادەنێت، حكومەتی هیندستانیش كەلوپەل ‌و دۆكیۆمێنتەكانی مەلیك مەحمود دەگەڕێنێتەوە بۆ پارێزگای سلێمانی.
ڕۆژی شەممە 9/4/2022، بە سەرپەرشتیی د. هەڤاڵ ئەبوبەكر پارێزگاری سلێمانی و بەڕێز (پراشانت پایس) باڵیۆزی كۆماری هیندستان لە عێراق و بە ئامادەبوونی بەڕێزان سوبهاش كەین كونسوڵی گشتیی كۆماری هیند لە هەرێمی كوردستان و وەفدی هاوڕێی و سەرۆكی ئەنجومەنی پارێزگای سلێمانی و جێگری پارێزگاری سلێمانی بۆ كاروباری هونەری و سەرۆكی سەندیكای هونەرمەندانی كوردستان و بەڕێوەبەرە گشتیی و فەرمانگە پەیوەندیدارەكان و نشینانی هیند لە هەرێمی كوردستان و سلێمانی، پەردە لەسەر پەیكەری كەسایەتیی گەردونیی و هێمای ئاشتیی و پێكەوەژیان (مەهاتما گاندی) لە پاركی هەواری شار لادرا.
لەم چالاكییە مرۆیی و كولتورییە هاوبەشەی نێوان هیندستان و پارێزگای سلێمانیدا؛ پەیكەری (مەهاتما گاندی) كە لە سەر  ئەركی خۆیان دروستكراوە، پێشكەش بە پارێزگای سلێمانی كرا و لەسەر ئەركی پارێزگای سلێمانی لە پاركی هەواری شار (گەورەترین پاركی گشتیی عێراق و هەرێمی كوردستاندا) بە ئەندازەیەكی شایستە كە لەلایەن بەڕێوەبەرێتیی ئەندازەی پارێزگای سلێمانی و پاركی هەواری شارەوە ڕێكخرابوو؛ جێگیركرا.
لە مەراسیمەكەدا بەڕێز باڵیۆزی كۆماری هیند لە عێراق وێنەیەكی تەواوی ڕەسەنی دەستوری بەدەستنوسراوی هیندی پێشكەش بە پارێزگاری سلێمانی كرد و لە كۆنگرەیەكی ڕۆژنامەگەرییدا پارێزگاری سلێمانی و باڵیۆزی كۆماری هیند لە عێراق، لە بەهای مرۆیی و كاری پێكەوەیی و هاوبەش و ئاشتیی و خۆشەویستیی و لێبوردەیی و پێكەوەژیانی نێوان گەلان لەم دۆخە ناجێگیر و شەڕەی دنیادا دوان و باڵیۆزی هیند سوپاسی هەوڵەكانی پارێزگاری سلێمانی و ئەنجومەنی پارێزگای سلێمانی و فەرمانگە پەیوەندیدارەكانی كرد بۆ ئەم دەستپێشخەریی و كارە هاوبەشانە.
لای خۆیەوە پارێزگاری سلێمانی سوپاسی حكومەت و خەڵكی هیندستان و بەڕێزان باڵیۆز و كونسوڵ و هاووڵاتیانی ئەو وڵاتەی لە هەرێمی كوردستان و سلێمانی كرد، بۆ گیانی بەرزی هەماهەنگیی و كاری هاوبەش.
لە كۆنگرەكەدا پارێزگاری سلێمانی ئاماژەی بەوە كرد، لەسەر بانگهێشتی حكومەتی هیندستان، شاندێكی پارێزگا سەردانی ئەو وڵاتە دەكات ‌و لە میانی سەردانەكەدا پەیوەندییە كولتوریی و زانستیی و تەندروستیی و بازرگانیی و تەكنۆلۆژیی و ژینگەیی و كارگێڕیی و گەشتیارییەكان لەگەڵ بەرپرسانی ئەو وڵاتەدا تاوتوێ بكەن.
بۆ ئەو مەبەستەش رۆژی یەكشەممە 10/4/2022 پارێزگاری سلێمانی بە یاوەریی شاندێك بەرەو هیندستان بەڕێ‌ كەوتن ‌و بڕیاریشە لەسەر پێشنیازی پارێزگاری سلێمانی، هەموو كەلوپەل و دۆكۆمێنتەكانی مەلیك مەحمودی نەمر مەلیكی كوردستان لە هیندستانەوە بۆ سلێمانی بگوێزرێنەوە.

 


هه‌واڵی زیاتر

هه‌واڵه‌كان

د.هەڤاڵ ئەبوبەکر بەشداریکرد لەیەکەمین دیداری زانستیی نێودەوڵەتیی پەرستیاران و کارمەندانی تەندروستیی لە عیراق و هەرێمی کوردستان
2025-09-12
پارێزگاری سلێمانی بەشداریکرد لەڕێوڕەسمی چلەمین خولی دەرچووانی زانكۆی سلێمانیدا
2025-09-12
لەدیدارێکدا گفتوگۆ لەسەر پەیوەندییە کولتووریی و ئابوورییەکان کرا
2025-09-12
پارێزگای سلێمانی پشتیوانیی دیداری نێکست ستێپ بۆ هەماهەنگیی و ڕێپیشاندانی خوێندکارانی دواقۆناغی ئامادەییەکان دەکات
2025-09-12
پارێزگاری سلێمانی بەشداریکرد لەیادی مەولود
2025-09-12
د.هەڤاڵ ئەبوبەکر پێشوازیکرد لە جەمال مەلا سەعید، خاوەن ئیمتیازو سەرنووسەری گۆڤاری پرسی کورد
2025-09-10
پارێزگاری سلێمانی بەشداریکرد لەدیداری شاندی ئەنجومەنی بازرگانیی ئەمریکیی عیراقیی
2025-09-10
د.هەڤاڵ ئەبوبەکر پێشوازیکرد لە نیکۆلۆ فۆنتانا باڵیۆزی ئیتاڵیا لەعیراق و تۆماسۆ سانسۆن کونسوڵی گشتیی ئیتاڵیا لەهەرێمی کوردستان
2025-09-10
د.هەڤاڵ ئەبوبەکر پارێزگاری سلێمانی، بەشداریکرد لە دیداری ناساندنی پڕۆژەی ڕێگای سەوز
2025-09-10
له‌ خزمه‌ت ژینگه‌پارێزاندا
2025-08-04
پارێزگاری سلێمانی پێشوازی له‌ فیدراسۆنی جیهانی كرد
2025-07-20
سلێمانی ،كۆتایی به‌ خولێكی وته‌بێژی هات
2025-06-04
له‌ شاری سنه‌،ڤستیڤاڵی نێوده‌وڵه‌تی خه‌ڵاتی قه‌ڵه‌می هه‌ژار به‌ڕێوه‌چوو
2025-05-29
ئاماده‌كاری بۆ وه‌رگرتنی گه‌نمی جوتیاران ده‌كرێت
2025-05-28