بەدواداچوونى مامەڵەكەت

ژمارەى نوسراوى پارێزگا

پن كۆد

لە كاتی بوومەلەرزەدا چی دەكەیت؟


هەر كاتێك بوومەلەرزە ڕووبدات، مەترسی لەسەر ژیانی مرۆڤ دەروست دەبێت، بۆیە پێویستە هەوڵ بدات چەند هەنگاوێكی خێرا بنێت، هەتا خۆی و دەوروبەری بەدوور بگرێت لە زیان، یاخود ئاستی مەترسییەكەی لەسەر ژیانی كەمتر بكاتەوە.
چۆنیەتیی مامەڵەكردنی دروست لە كاتی ڕوودانی بوومەلەرزەدا، لە هەر شوێنێك بیت: لە كاتی روودانی هەر بوومەلەرزەیەكدا لەبیرتان بێت، بە خێرایی ‌و ئارامیی هەڵسوكەوت بكەن و شوێنی گونجاو بۆ خۆپاراستن بدۆزنەوە، لە خوارەوە چەند رێنماییەك هەن، كە دەتوانیت لە كاتی روودانی بوومەلەرزەدا سوودیان لێوەربگریت:
 
لە ناو (ماڵەكانتان)دا:
سەر و دەم و چاوتان بپارێزن، بەهەر شتێك كە لە بەردەستدا بێت، وە بەرەو نزیكترین گۆشەی ژوورەكانتان بڕۆن، یاخود بچنە گۆشەی ژوور ‌و ژێر مێز و قادرمەی ماڵەكانتان .
لە پەنجەرە و دیواری دەرەوە و ئاوێنە و كەلوپەلی هەڵواسراو و مەكتەبەی ناو ماڵ دوور بكەنەوە.
لە كاتی تەواوبوونی كاریگەریی بوومەلەرزەكەدا، كارەبا و سۆپا و غازی ماڵ و هەموو ئەو شتانە  بكوژێننەوە، كە ئەگەری تەقینەوە یاخود ئاگركەوتنەوە ‌و شۆرتی كارەباییان لێدەكرێت.

لە دەرەوەی (ماڵ)دا:
بە پێی توانا لە باڵەخانەكان دوور بكەونەوە و بچنە نزیكترین شوێنی كراوە، هەروەها هەوڵ بدەن  خۆتان بپارێزن لە پارچە بەرد و دیوار و هەر شتێكی ناجێگیر.
لە پرد و ئەندەرپاس و كێبڵی كارەباكان و ستوونەكان و درەختی گەورە و ڕیكلامی هەڵواسراوی بەردەم دوكان و شوێنە بازرگانییەكان و شتە هەڵواسراوەكان دوور بكەونەوە، بۆ ئەوەی لە ئەگەری كەوتنەخوارەوەیاندا زیانتان پێنەگەیەنن.

لە ناو ئۆتۆمبێلدا:
هەر كە هەستتان بە بوومەلەرزە كرد، ڕاستەوخۆ خێراییتان كەمبكەنەوە و لە شوێنەكانی خۆتان بوەستن و لە ناو ئۆتۆمبێلەكانتاندا بمێننەوە.
ئەگەر لە ژێر پرد و ئەندەرپاس و تەنیشت درەخت و نزیك باڵەخانەكان بوون، هەوڵ بدەن كەمێك بكەونەوە بە ئۆتۆمبێلەكانتان دووربكەونەوە، یاخود خێرا ئۆتۆمبێلەكانتان رابگرن و بە پێ لە شوێنەكە دوور بكەونەوە.

لە قوتابخانە و فەرمانگە و كارگە و شوێنە گشتییەكاندا:
لە كاتی ڕوودانی بوومەلەرزەكەدا، بچنە ژێر مێزە توند و تۆڵەكان، یاخود خێرا خۆتان بگەیەننە گۆشەی ژوورەكان، دووربكەونەوە لە شووشە و پەنجەرە و ژێرگڵۆپ و سورەییاكان.
هەوڵ بدەن بە هەر كەرەستەیەك بێت سەرتان بپارێزن و بیكەن بە قەڵغانی سەرتان.
بە هیچ جۆرێك ئەسانسۆر (مصعد) بەكارمەهێنن و هەوڵ بدەن قادرمەكان بەكاربهێنن بۆ چوونە خوارەوە لە باڵەخانەكان.
دووربكەونەوە لەهەر سەرچاوەیەكی غازیی، سوتێنەر ، كیمیایی و تیشكدەر .
دووربكەونەوە لە محەویلەی كارەبا و بۆردی كۆنترۆڵ و كێبڵی كارەبای پاڵەپەستۆی بەرز.

دوای كۆتاییهاتنی بومەلەرزەكەش پێویستە چەند رێوشوێنێك بگرینەبەر:
پێویستە ئامادەبین چونكە رەنگە بوومەلەرزەی دیكە بەدوای خۆیدا بهێنێت و مەترسیی ئەوە لە ئارادایە، ببێتە هۆی رووخانی باڵەخانەكان كە بە بوومەلەرزەی پێشتر (سەرەكی) زیانیان پێگەیشتبێت.
دەرگای ماڵەكانتان دابخەن ‌و رووبكەنە شوێنە كراوەكان و دوور لە بینا و باڵەخانە و مەترسیدارەكان.
گوێ‌ لە رێنماییەكانی بەرگریی شارستانی بگرن و بۆ سەلامەتیی خۆتان ‌و كەسوكارتان تەواوی رێنماییەكان جێبەجێ بكەن.
ئەو كەسانەی بەسەختی زیانیان پێگەیشتوە و بریندار بوون، مەیانجوڵێنن لە شوێنەكانیان، هەتا ئەو كاتەی تیمەكانی فریاكەوتن بەهانایانەوە دەچن.
نزیك مەكەونەوە لە شوێنە رووخاوەكان بۆ رزگاركردنی كەسانی تر و دەرهێنانی شتومەك لە شوێنە زیانلێكەوتووەكاندا، چونكە رەنگە مەترسیی گەورە لەسەر ژیانتان دروست ببێت.
ئاوێك مەخۆنەوە كە دڵنیا نەبن لە سەرچاوەكەی، یاخود پاك و خاوێنییەكەی، چونكە مەترسیی نەخۆشیی لێدەكرێت و زیانت پێدەگەیەنێت.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

youtube.com/@slemanigov


هه‌واڵی زیاتر

هه‌واڵه‌كان

پارێزگاری سلێمانی: هەموومان هاوکاربین لەوەی تاوان و هەڵەکان دووبارە نەبنەوە
2024-03-17
جێگری پارێزگاری سلێمانی خەڵاتی پێشەنگی ئاشتی پێبەخشرا
2024-02-08
وەزارەتی ناوخۆ بڕیاری لێخۆشبوون لەسزای دواكەوتنی گواستنەوەی خاوەندارێتی ئۆتۆمبێل دەردەكات
2024-02-07
رێكاری پێویست بۆ پرۆژەی هەژماری من لەسنووری پارێزگای سلێمانی دیاریدەكرێت
2024-01-24
پارێزگاری سلێمانی پێشوازی لەكونسوڵی گشتیی كۆریای باشوور دەكات
2024-01-24
پارێزگاری سلێمانی: سەركۆنەی هێرشەكانی سەر هەولێری پایتەخت دەكەین
2024-01-16
د.هەڤاڵ ئەبوبەكر بۆ دەستەیەك گەنجی ئەكادیمی: هاوكارو پشتیوانتان دەبین
2024-01-05
د.هەڤاڵ ئەبوبەکر: پێویستە هەمووان پشتیوان و هاوکاری دادگاو دامەزراوە دادییەکان بن
2024-01-02
گەورەتـریـن بـازاڕی شار لەپێشانگای نێودەوڵەتیی سلێمانی کرایەوەو دە رۆژ بەردەوامدەبێت 
2023-12-21
ژمارەیەك ژینگەپارێزو كرێكارو باخەوان خەڵاتی رێزلێنانیان پێدەبەخشرێت
2023-12-17
پارێزگای سلێمانی... رۆژی ئاڵا بەرز رادەگیرێت
2023-12-17
پێنجەمین پێشانگای نێودەوڵەتی كتێب لەسلێمانی پێنج سەد هەزار ناونیشانی لەخۆگرتووە
2023-11-25
له‌سلێمانی پێنجه‌مین پێشانگای كتێب ده‌كرێته‌وه‌
2023-11-22
پارێزگاری سلێمانی پرۆژەی دیوارەی بەردەوانیی سلێمانی دەكاتەوە
2023-11-18