ئەمڕۆ، د.هەڤاڵ ئەبوبەکر پارێزگاری سلێمانی، لە دیوانی پارێزگادا، پێشوازیکرد لە بەڕێز قوباد تاڵەبانی جێگری سەرۆکی ئەنجومەنی وەزیرانی حکومەتی هەرێمی کوردستان. لە ڕێوڕەسمێکدا بەسەرپەرشتیی بەڕێزیان وەک دەستپێشخەرییەکی نوێی حکومەتی خۆجێیی سلێمانی و حکومەتی هەرێمی کوردستان، سیستمی یەک پەنجەرەی پارێزگای سلێمانی و فەرمانگاکانی تری سنوری پارێزگای سلێمانی، کردەوە.

ئەم سیستمە ڕۆتین کەمدەکاتەوەو بە کاتێکی کەم ڕێکارو ئیشەکان جێبەجێدەکات و هیچ جیاکارییەک لەنێوان هاووڵاتیاندا ناهێڵێت و مامەڵەکان خێرا دەکات، بنەماکانی شەفافیەت و لێپرسینەوە کارادەکات و متمانەی هاووڵاتیان بە دامودەزگاکانی دەوڵەت زیاتر دەکات، کاتێکی زۆر بۆ هاووڵاتیان دەگەڕێنێتەوەو فەرمانبەرو فەرمانگاکان لە خزمەتی هاووڵاتیاندا دەبن، بنەماکانی حکومەتی هاووڵاتی و حکومەتی خزمەتگوزاریی و سەروەریی یاسا پتەو دەکات.

پارێزگاری سلێمانی سوپاسی دەستپێشخەریی و هەوڵەکانی بەڕێز جێگری سەرۆکی ئەنجومەنی وەزیران و نووسینگەی بەڕێزیان و تیمە تەکنیکییەکان و پارێزگای سلێمانی و فەرمانگاکانی تری کرد بۆ سەرخستنی ئەم سیستمە نیشتمانییە نوێیە.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

youtube.com/@slemanigov