قائیمقامی قهزای ناوهندی سلێمانی پلانی هێزه ئهمنییهكان بۆ مامهڵه كردن له گهڵ خۆپیشاندانهكهی ڕۆژی 27 ی مانگ ئاشكرا دهكات و ڕایگهیاند: له دوو شوێن گردبوونهوهی ناڕهزایهتی بهڕێوهدهچێت و ڕێگهش نادهین شهقامی گشتی به ڕووی هاووڵاتیان دابخرێت.
ئهمڕۆ لیژنهی ئهمنی پارێزگای سلێمانی كۆبووهوه بۆ دانانی ڕێ و شوێن و چۆنیهتی مامهڵهكردن له گهڵ ئهو خۆپیشاندانهی كه بڕیاره ڕۆژی 27ی ئهم مانگه بهڕێوهبچێت.
بهختیار عبدالرحمن قائیمقامی قهزای ناوهندی سلێمانی ڕایگهیاند: به پێ ی ئهو مۆڵهتهی كه به خۆپیشاندانهكه دراوه، ڕۆژی سێ شهممه شهقامی نێوان بینای پارێزگای سلێمانی و پردی قلیاسان له گهڵ بهردهم بینای پهروهردهی سلێمانی دادهخرێت و دوو گردبوونهوهی تێدا ئهنجام دهدرێت.
داواشی كرد له خۆپیشاندهران داوا ڕهواكانیان به هێمنی و به شێوهیهكی شارستانی بگهیهنن و توند و تیژیش بهرامبهر هێزه ئهمنییهكان بهكارنههێنن و نهبنه هۆی گرتنی ڕێگهی هاتووچۆی هاووڵاتیان.
ناوبراو ئهوهشی ڕاگهیاند: جگه لهو دوو شوێنهی كه مۆڵهتی خۆپیشاندانی تێدا دراوه، له ههر شوێنێكی دیكه خۆپیشاندان و گردبوونهوهی ناڕهزایی ئهنجام بدرێت ڕێگهی لێناگیرێت بهو مهرجهی شهقامهكان نهگیرێت و پشێوی لێ نهكهوێتهوه.
له سایتی SNN وه وهرگیراوه
.jpg)
