ئەمڕۆ، د.هەڤاڵ ئەبوبەکر پارێزگاری سلێمانی، بەشداریکرد لە سێیەمین کۆنگرەی نێودەوڵەتیی وزە نوێبووەوەکان، کە لەلایەن زانکۆی پۆلیتەکنیکی سەرو لە شاری موسڵ، بە میوانداریی و هەماهەنگیی زانکۆی پۆلیتەکنیکی سلێمانی و بەبەشداریی دەیان زانکۆی ناوەوەو دەرەوەی هەرێمی کوردستان و عیراقی فیدراڵ ڕێکخرابوو.
لە دیدارەکەدا خەڵاتی ڕێزلێنان لەلایەن سەرۆکی کۆنگرەکەوە پێشکەش بە پارێزگاری سلێمانی کرا، بۆ پشتیوانیی بەردەوامی لە ژینگەو وزە نوێکان.
پارێزگاری سلێمانی لە وتەیەکدا لەو بوارە ژینگەیی و وزە نوێیانە دوا، کە لە پارێزگای سلێمانی کاریان لەسەرکراوەو سوپاسی بەڕێزان پرۆفیسۆر دکتۆر عەلیا عەباس عەلی عەتار سەرۆکی زانکۆی پۆلیتەکنیکی سەرو، پ.د.هۆشیار عەبدوڵڵا عەزیز سەرۆکی زانکۆی پۆلیتەکنیکی سلێمانی و هەموو بەشداربووانی کرد بۆ ئەم کۆنگرە گرنگە.
.jpg)
