ئەمرۆ 23ی نیسانی 2017، سەردار قادر ل. پارێزگاری سلێمانی پێشوازیكرد لە وەفدێكی نوسینگەی باڵیۆزخانەی كەنەدا لە عیراق.
لە دیدارێكدا وەفدی كەنەدی ئاماژەیان بۆ ئەوەكرد كە لەهەولێر و بەغدا نوسینگەی تایبەتیان كردووەتەوەو بەشێكی تایبەتیشیان هەیە بۆ رێكخستنی هاوكارییەكانی كەنەدا بۆ پێشمەرگەو بوژاندنەوەی هەرێم.
راشیانگەیاند لەرێگەی ئەو بەشەوە گرنگی تایبەتی دەدەن بە سلێمانی و بۆ ئەو مەبەستەش چەند پرۆژەیەكیان ئەنجام داوە.
سەردار قادر ل.پارێزگاری سلێمانی وێرای خۆشحاڵی و سوپاستگوزاری لە هاوكارییەكانی كەنەدا، تیشكی خستە سەر بارودۆخی سلێمانی و ئاماژەی بۆ ئەوەكرد كە بەهۆی دۆخی داراییەوە چەندین قەیران لە پارێزگاكە سەری هەڵداوەو بۆ چارەسەكردنی ئەم قەیرانانەش لە هەوڵی بەردەوامداین، بەڵام پێویستمان بە هاوكاری دۆستەكانمان دەبێت.
.jpg)