لە سلێمانی هەفتەیەکی تایبەت بەرێوە دەچێت
ئەمرۆ 9-11-2015 د.ئاسۆ فەرەیدوون پارێزگاری سلێمانی ، لە کۆنگرەیەکی رۆژنامەوانی تایبەت بە راگەیاندنی کارو چالاکیەکانی هەفتەی سلێمانی ئاشکرایکرد کە لە پارێزگای سلێمانی ( هەفتەی سلێمانی) بەرێوەدەچێت.
د.ئاسۆ فەرەیدوون ، رایگەیاند لە هەفتەی سلێمانیدا چەندین چالاکی هونەری و رۆشنبیری و کەلتوری و ئەدەبی و ژینگەیی و وەرزشی پێشکەشدەکرێت بەبێ ئەوەی هیچ بودجەیەکی بۆ تەرخان کرابێت . هەروەها سوپاسی ئەو لایەن و کەسانەی کرد کە ماندوون بە رێکخستنی کارو چالاکیەکانی هەفتەی سلێمانیەوە.
هەفتەی سلێمانی لە رۆژانی 16-11-2015 ەوە دەست پێ دەکات و چەندین چالاکی دیاری جۆراوجۆر پێشکەش دەکرێت و زۆرینەی کارو چالاکیەکان بە شێوەی هەرەوەزی خۆبەخش ئامادەکراون.
