بەدواداچوونى مامەڵەكەت

ژمارەى نوسراوى پارێزگا

پن كۆد

لە سلێمانى بەكارهێنانى سەتڵى رەنگاو رەنگ بۆ ماست قەدەغەدەكرێت



لە سلێمانى بەكارهێنانى سەتڵى رەنگاو رەنگ بۆ ماست و جۆرەكانى ترى خواردن قەدەغە دەكرێت و قائیمقامى شارەكەش دەڵێت مەبەست لە بڕیارەكە پاراستنى تەندروستى هاوڵاتیانە و هەر فرۆشیارێك پابەند نەبێت رووبەڕووى سزاى یاسایى دەكرێتەوە , 
ئەمڕۆ چوار شەممە 24.4.2019, ئاوات محەمەد قائیمقامى سلێمانى لەگەڵ لیژنەهاوبەشەكانى قائیمقامیەتى سلێمانى و لیژنەى تەندروستى سەر بە بەڕێوەبەرایەتى تەندروستى سلێمانى كۆبووەوە و دواى خستنەڕووى ئەو بەڵگەو بەدواداچونانەى كە بۆ بەكارهێنانى سەتڵى رەنگاو رەنگ كراوە بڕیاردرا بەكارهێنانى ئەو جۆرە سەتڵە بۆ ماست قەدەغە بكرێت ,  
لە بارەى بڕیارەكەوە ئاوات محەمەد قائیمقامى سلێمانى رایگەیاند: بەپێى ئەو توێژنەوە و بەدواداچونانەى كە لەلایەن لیژنە پسپۆڕەكانەوە كراوە بەكارهێنانى سەتڵى رەنگاو رەنگ بۆ ماست زیان بەتەندروستى مرۆڤ دەكەیەنێت و بەهۆى زیانە تەندروستیەكانیەوە بڕیارى قەدەغەكردنیان داوە ,  قائیمقامى سلێمانى ووتیشى: مەبەست لە بڕیارەكە پاراستنى تەندروستى هاوڵاتیانە و هەر فرۆشیارێك پابەند نەبێت رووبەڕووى سزاى یاسایى دەكرێتەوە ,
هەر پەیوەست بەو بڕیارە لەشكر حەمید سەرپەرشتیارى لیژنەكانى تەندروستى سەر بە بەڕێوەبەرایەتى تەندروستى سلێمانى راگەیاند : بەكارهێنانى سەتڵى زەنگاو رەنگ بۆ ماست و جۆرەكانى ترى خواردن دەبێتە هۆى كارلێك كردنى هەندێك مادەى زیان بەخش لەگەڵ ماستەكەدا كە ئەمەش زیان بە تەندروستى مرۆڤ دەگەیەنێت و دەبێتە هۆى توشبوون بە نەخۆشى شێرپەنجە , ئاماژەى بۆ ئەوەشكرد زۆربەى سەتڵە رەنگاو رەنگەكان لەمەوادى دووبارە بەكارهاتوو دروست دەكرێت كە بەهیچ جۆرێك دروست نیە خواردنى تێیدا هەڵبگیرێت , لەشكر حەمید دەشڵێت سەتڵى سپى سادە بۆ ماست گونجاوە بەكاربهێندرێت و پێویستە لۆگۆیەكى سێ گۆشەى لەسەر بێت و تێیدا ئاماژە بە ژمارە "2یان4" كرابێت , ئاماژەى بۆ ئەوەشكرد بەكارهێنانى سەتڵەكانى "شوشە و فافۆن و گلى سورەوەكراو" بۆ ماست رێگەپێدراوە و هیچ گرفتێكى نیە , 
هەروەها گۆران قادر سەرۆكى لیژنەهاوبەشەكانى قائیمقامیەتى سلێمانى رایگەیاند: دواى بڕیارى قەدەغەكرنى سەتڵى رەنگاو رەنگ بۆ ماست و جۆرەكانى ترى خواردن رێگە بەهیچ فرۆشگا و ماركێتێك نادەن ئەو جۆرە سەتڵانە بكاربهێنێت و لە هەر شوێنێك ببینرێت دەستى بەسەردا دەگیردرێت . 

                      راگەیاندنى قائیمقامیەتى سلێمانى
 


 ئه‌م بابه‌ته‌ 193 جار بینراوه‌

هه‌واڵی زیاتر